痞子無間道｜孖68歲群姐上演搞笑版「亂世佳人」 67歲冼灝英一個踩蕉皮動作展現驚人腰力！

演出一開始，現年68歲的群姐即以「少女mode」彈住跳住出場，相當eye-catching兼搞笑。之後群姐以如癡如醉Look望著寶劍，二人更企圖上演男女調轉版「Gone with the wind」招牌甫；不過由於冼師傅太大隻，群姐只能借位完成使命，整套動作靠著冼師傅驚人腰力及腳骨力做支撐，盡顯冼師傅功架。再之後由於時間關係，群姐與冼師傅「快鏡」Mode完成餘下動作，冼師傅ending更單手成功將群姐整個人舉起，相當Amazing！足見監製Andy絞盡腦汁幫助一眾演員發揮小宇宙！

說到這裏，當然要研究吓冼師傅的身手。現年67歲的冼灝英，出身於1983年邵氏第六期動作演員訓練班後，除了演員工作外，還兼任劇組武術設計指導主管。身為已故著名武打明星及導演劉家良「劉家班」班底的冼師傅，入行初期曾為成奎安、萬梓良、周潤發及張家輝等人當替身，亦曾擔任過副導演及副動作指導。 根據資料，冼師傅武術方面的徒弟至少有三十人，當中包括麥長青、黃澤鋒、黃浩然、陳少邦、鄭世豪等。