黑色月光丨梁允瑜與馬志威上演激咀戲 港姐出身社交網藏大量性感照

由優酷視頻和TVB聯合製作的台慶劇《黑色月光》現正熱播中，劇中演「蔣基俊」的馬志威艷福無邊，與多位女生也有親熱戲，而今星期將會有前港姐梁允瑜（Chloe)出場。

今晚（4日）講到演KOL的Chloe首度登場，穿上露肩裝及短裙的她，晒出白滑長腿，難怪令「蔣基俊」眼前一亮，被其吸引，之後二人更會上演激咀床戲，場面火辣。

談到今次她與馬志威有激情戲，Chloe接受TVB.com訪問透露將首次拍攝床戲及螢幕初吻獻給對方：「一開始收到電話叫我拍呢場戲嘅時候，都覺得有啲驚同緊張， 但作為演員，就係要乜都嘗試，所以就應承咗演。」

她指拍攝該場床戲時，鍾澍佳監製與關文深導演也有與其聊天，叫她放鬆心情，Chloe又大讚拍檔馬志威十分友善：「佢會先同我溝通拍嗰陣會摸我邊度，問咗我意見先，睇吓我接唔接受到，之後佢又不斷同我傾偈教我拍床戲嘅技巧，所以到真係拍嘅時候，反而冇咁緊張， 全程投入咗喺個角色入面。」