黑色月光丨楊茜堯與家姐真姊妹嘈交成焦點 楊卓娜直認拍攝靠默契絕冇罵出真火

不過現實中卓娜與茜堯姊妹情深，卓娜於2012年妹妹首次封后、下廚慰勞工作人員的片段中，公開感謝對方孭起頭家，多年來是屋企的支柱，大小事也要依靠妹妹，場面感動。

劇中二人不乏嘈交場口，對於今次「攞正牌」可以嘈交，卓娜接受TVB.com 訪問，坦言與茜堯事前沒有溝通研究：「大家都係跟住個角色，一埋位已經知道係點，我哋都好有默契。（有沒有罵出真火？）我哋分得好清現實同戲劇，絕對唔會有hard feeling。」

問到她們在現實中有否試過激烈的吵架，卓娜說：「當然有試過嘈交，但唔會有咩激烈爭吵，最多都係大家頂兩句，同埋我都唔識罵人，唔會好似演戲咁。」

今次二人同框有大量對手戲，令觀眾大表期待，更希望她們再有更多合作，對此卓娜也望下次與阿妹能演對立角色：「一個做忠，另一個做奸，大家對立，相信都會好有發揮。」