黑色月光丨關楓馨背「星二代」稱號有壓力 親揭與楊茜堯關係

在熱播中的台慶劇《黑色月光》，劇中演Jenny（關楓馨，Fabi飾）是黃翠如的蛋糕老師，雖然出現的戲份不多，不過由於她是關禮傑的女兒，故引起網民留意。

今次她在劇中主要與楊茜堯、黃翠如和王浩信有對手戲，即使場口不多，惟Fabi接受Tvb.com訪問直認感到興奮：「能夠見到3位前輩好難得，見到佢哋時都好緊張，仲要同佢哋演戲自己都會有壓力，唔想拖累佢哋。」

Fabi更大爆與茜堯早已認識：「我記得當年佢同我Daddy拍《怪俠一枝梅》，之後喺一個慶功宴上，茜堯陪我喺出面玩捉迷藏，佢全程都好照顧我，雖然當時我好細個，但對呢位姐姐嘅印象好深刻。」

相隔20再相見，大家身份亦已不同，難怪Fabi指感覺十分特別：「我好開心佢仲認得我，依家仲有機會可以一齊做嘢，真係好奇妙嘅感覺，同埋見到佢，令我諗番起之前一齊玩嘅回憶好窩心 。」