巴黎奧運2024︱李元元學張家朗伸「勝脷」　梁芷珮母女家中格劍湊熱鬧

「微笑劍后」江旻憓（Vivian）在巴黎奧運女子個人重劍摘金，「香港劍神」張家朗則在男子個人花劍衛冕金牌，成為68年來第一人，兩人齊齊奪冠掀起全港劍擊熱潮。

深受網友愛戴的李璨森女兒李元元（Lucy）湊一份熱鬧，媽媽梁志瑩上載Lucy趣怪照片，見Lucy伸脷貼在玻璃上，壓到樣子都變晒形，非常貪玩。有網友笑言Lucy模仿張家朗的「勝脷」招牌日動作，搞笑留言：「條脷比家朗哥哥健康😂」、「無濕熱」、「紅潤血氣足，唔怪之得咁好中氣🤣🤣🤣」

另邊廂，旅遊達人梁芷珮（Christy）的11歲女兒亦迷上劍擊，Christy上載與女兒戴着面具、拿木棍扮玩劍擊的相片，留言：「阿妹話，好想好似Vivian姐姐咁叻，佢11歲開始玩，今年阿妹都係11歲，即係有心唔怕遲！江旻憓勁呀！運動精神！支持支持！」兩母女看完61歲「乒乓嫲嫲」倪夏蓮的比賽後大受感動，Christy即時拉着女兒到公園踢腿拉筋，Christy留言：「睇完61歲乒乓球手參加奧運，覺得冇嘢係冇可能，所以跟阿妹去咗公園，佢踢腿我又踢腿，結果我爭少少就，抽筋兼拗柴🤣但係我會努力追夢🤣」