無綫今屆奧運主持個個做足功課,搏盡為觀眾呈獻最新最快奧運資訊,直至目前為止,無綫巴黎特派專員先後搶贏了不少奧運選手的頭啖湯獨家訪問,除了有香港運動員及他們的教練外,還包括了中國國家隊甚至是海外選手。日前,唯一一位飛往巴黎的「奧運之星」鄭衍峰,便訪問了男子雙人10米高台跳水銀牌得主-英國「跳水王子」戴利Tom Daley,及其拍檔 Noah Williams。對於鄭衍峰的採訪表現,獲網友洗版式大讚:「鄭衍峰應該係歷年TVB最好嘅奧運採訪人員,語速好正,又快又流暢又通順又爽手,唔阻運動員時間,亦爭取時間問多幾題,最正係流暢地用番廣東話即時貼切地傳譯,聽得好舒服。」、「真心讚,鄭衍峰好多謝佢主動問Tom關於佢老公同兩個仔,仲講得出啲名。」、「有準備錄音留字做翻譯,英文又好,問題有內容,過程流暢,又會顧及訪問新人,用盡有限時間訪問,做得很好!」、「鄭衍峰訪問做得好好,一take過用英文順利訪問完就立即翻譯,用廣東話再講一次訪問內容出嚟,超強記性又講得好流暢,勁呀。」
另鄭衍峰於巴黎時間昨日特意向大會申請從馬賽坐快艇深入海中心,務求以最近距離直擊港隊女子滑浪風帆隊代表馬君正、因現場不夠大風而被逼暫停比賽的最新情況。片段所見,雖然大會表示現場風勢不足以比賽,但觀乎從馬賽拍攝回來搖晃感極重的鏡頭,以及鄭衍峰的一頭亂髮及現場的風聲,完全能確切感受到坐在船上的鄭衍峰與工作人員有多「朗」。另一個有趣位,是由於馬君正當時還在等候隨時回復正式比賽,故只能隔住個海接受鄭衍峰訪問;君正笑言原本比賽已進行了一小時左右,她亦滿意自己表現,可惜比賽最終要取消,不過樂天的君正笑言:「個天可能覺得我技術未夠,所以決定取消咗佢。」
![](https://www.tvb.com/thumbor/7fzlOxPgSx9htc9T_nNOO4ytTps=/1600x900/public/tvbcom/article/images/202408/840413f2-1e38-4056-bc49-a59a2a2fadee.jpg)
![](https://www.tvb.com/thumbor/fdZbZDfN8dxZ08LlSMxduQZYpH4=/1600x900/public/tvbcom/article/images/202408/dc1678dd-e5c9-422c-b5b7-3215e0ea1f29.jpg)
![](https://www.tvb.com/thumbor/9CG3jx5JHaHp-8w3NFPtFgk7izA=/1600x900/public/tvbcom/article/images/202408/a670d49f-1442-4068-b589-994632e39de4.jpg)
![](https://www.tvb.com/thumbor/-9ZVJ7F_xUF2tcUkNhdbwtQ0wfQ=/1600x900/public/tvbcom/article/images/202408/a160b2f3-e821-4656-96ee-0d41a30fb907.jpg)
![](https://www.tvb.com/thumbor/iVO2joFYQmIMOoBOYsGJO3A-kvk=/1600x900/public/tvbcom/article/images/202408/444f863a-07c7-4196-a565-4961d838ad8f.jpg)
笑言坐快艇出海做訪問似足做《東張》
事後訪問了在片段中揚言「上天下海幫你哋去訪問每位港隊運動員」的鄭衍峰,專誠出海訪問運動員的經驗是否很有趣?他說:「當日去到馬賽嘅比賽場地,奧運工作人員就帶我哋周圍行了解成個場地運作,佢問使唔使畀架快艇我哋出海,我哋梗係話好啦,原本去到終點位迎接馬君正過終點,但因為太細風要暫停比賽,暫停比賽時教練會坐快艇接番運動員上岸休息,我哋就喺海中心周圍兜搵番馬君正架快艇,兜咗大概廿分鐘,終於搵到馬君正同教練團隊架快艇!」鄭衍峰笑言今次經歷很有趣:「成件事好似做緊《東張西望》。」
難忘近距離目睹戴利與家人溫馨互動一幕
談到早前訪問戴利Tom Daley及 Noah Williams的片段獲讚英文流利,他答謝大家留意的同時,更化身「奧運資訊庫」謂:「好多謝觀眾有留意我訪問,我事前做定功課,睇晒Daley嘅新聞,其實Daley上屆攞到金牌之後已經退出咗,但係佢因為屋企人想佢參加多次奧運,所以重返奧運呢個舞台,我覺得好多香港觀眾都想知佢呢幾年嘅心路歷程,所以Set定問題幫大家問佢。」講到訪問Daley最難忘的事,他說:「 喺我訪問Daley時,頭頂就係觀眾席,企喺第一排望住Daley嘅老公同埋兩個仔仔,佢哋不斷望住Daley揮手打招呼,畫面都幾溫馨。」鄭衍峰續指會繼續訪問更多其他不同地區的運動員,他說:「Daley只係第一個,之後會陸續有嚟!」
![](https://www.tvb.com/thumbor/Q-pjyElwiHj6kWVvTh4EALCAlfY=/1600x900/public/tvbcom/article/images/202408/7bf20d4b-e215-4dff-8262-be11c1abce56.jpg)
![](https://www.tvb.com/thumbor/rNDjrqnOqlTDWfs5Lb2zjNj5dR8=/1600x900/public/tvbcom/article/images/202408/df2bb0ab-b060-4882-bc4f-28404071da60.jpg)
![](https://www.tvb.com/thumbor/3_ihLX1QIpoHCGvZrL2v-3IxZds=/1600x900/public/tvbcom/article/images/202408/e94227d5-0199-405a-b0c9-10e12d984ebc.jpg)
![](https://www.tvb.com/thumbor/FaklUrYBmuzLWJvlxDpR8Q9aWcM=/1600x900/public/tvbcom/article/images/202408/91894563-9a43-4c2b-ad02-411d9aa697ee.jpg)
![](https://www.tvb.com/thumbor/0X_q5fdKrFUJRyKo0E_Tur7qhQ0=/1600x900/public/tvbcom/article/images/202408/6fbd6b3d-8974-4fa0-8e31-a10014bdae00.jpg)