方力申巴黎食好西自爆飲一支13.5萬元紅酒　惹黃翠如羨慕：我想聞一啖！

為無綫巴黎奧運擔任巴黎特派專員的方力申，在奧運期間多次採訪均表現出色，成功俘虜無限網民歡心，更被封為「採訪界世一」。隨住港隊游泳代表隊結束所有賽事，小方的任務也告一段落，隨即開啟大開食戒Mode，在巴黎盡情享受食盡好西！

小方在IG分享最近去過的餐廳和吃過的美食，其中他去到了一間擁有幾百年歷史的餐廳，更自爆吃了一瓶13.5萬港元的紅酒，他留言：「靚景好feel嘅fine dining… 老友Patrick太太Joanna生日飯，有幸飲咗支Magnum 1978 Henri Jayer 紅酒，盛惠港幣十三萬五千，我諗我飲咗四萬蚊。」貼文一出惹來一眾網友大嗌羨慕，其中好拍檔黃翠如留言：「你嗰支酒，我想聞一啖。」

此外，小方還孖住鄭衍峰和何振然去到一間粉紅到爆的餐廳食好西，小方留言說：「我哋三條友路過見到好靚就入去打卡， 啲自家製生啤好正！pizza又好味！」相中所見餐廳清一色是粉紅色，三位大男人沉浸在粉紅之中化身「粉雄」，畫面搞笑。