江旻憓奪香港首面金牌！港隊巴黎奧運2024奪金希望、有「劍擊女神」之稱的江旻憓，今日凌晨在重劍決賽中面對法國選手時，雖然一開始大比數落後，首局更是吞蛋收場，但江旻憓半點沒有氣餒，沉住氣一分一分慢慢後來居上，成功為香港成功爭奪首面巴黎奧運金牌。
無綫身處巴黎的主持 何振然，於江旻憓（Vivian）寫下奪金歷史一頁不久，即成功捉到江旻憓做訪問，成為江旻憓奪金後第一個訪問。江旻憓更一邊受訪、一邊忍不住流下開心的眼淚，她邊流淚、邊傻氣地說：「我仲係唔相信，我唔知講咩，我每日起身都話畀自己知唔係今日比賽，到今日終於比賽喇，我好驚聽日起身又要比多次賽。」談到三年前八強止步忍不住淚灑，江旻憓又笑又喊謂：「我諗三年前我係話我唔要輸咗喊，因為我要贏咗先喊，所以我依家要喊晒出嚟。好多謝我團隊好多人支持我，我次次輸係輸我自己做得唔好，所以我好對唔住大家，今次我終於冇做得唔好喇。」
膝頭哥先後動過兩次手術的江旻憓，原來今次於奧運比賽前一個月，因為膝頭哥又受傷，一度連進攻都「打唔到」，如今江旻憓不但能克服膝頭傷患問題，更勵志地奪得奧運金牌，難怪她大叫感恩：「（再受傷）之後我覺得所有壓力都唔係咩，只要可以享受到比賽，可以打到畀大家睇，我應該就好感恩。」 並按何振然要求向在香港支持自己的隊友打招呼：「你哋係咪起咗身睇我呀？辛苦晒你哋，希望你哋可以瞓覺呀。」相當Sweet。
