「香港女飛魚」何詩蓓今晨凱旋返港,獲不少香港市民和傳媒到場迎接。問到今屆奧運氣氛與上屆的分別,何詩蓓說:「因為上屆東京奧運喺疫情之下舉行,東京奧運嘅organization做得好好,但係可惜現場冇觀眾,我個人覺得有啲可惜,全世界運動員咁辛苦為奧運練習,目的都係為咗將我哋收穫同大家分享,今屆最開心係屋企人同朋友可以喺現場睇,感覺係完全唔同。」何詩蓓續指除了自己之外,何甄陶和張心悅都有份競爭個人項目,是一件值得慶祝的事情,她說:「有得游個人項目同達標真係一件唔容易嘅事,Cindy(張心悅)咁細個就去到奧運,同埋好似Stephanie(歐鎧淳)去咗5屆奧運,證明我哋泳隊,除咗有一個比較長遠嘅career ,亦都有比較細嘅運動員一路進步落去,Cindy咁細個去到奧運,希望將來更多香港運動員喺國際舞台達標,同埋游出好成績。」
何詩蓓指自己香港出生、香港長大,能夠代表香港是理所當然,她說:「尤其是今屆奧運之後,我更加肯定可以代表出去比賽係我光榮,尤其是做持香港隊持旗手,喺比賽見到咁多香港人同香港區旗,真係好感動,每次見到香港人同香港區旗我都會盡量揮手,好感激大家對我嘅支持,就算我游得好定係唔好,就算我凌晨3點抑或係下晝3點,大家都會睇我比賽,我真係好感激大家對我支持。」講到將來退役後的生活,何詩蓓笑言未必會做游泳教練:「我冇做教練嘅資質,因為我有個好好嘅教練,我永遠唔會做到佢咁,我覺得自己有其他passion,可能想做心理學家,遲啲我可能會以觀眾身份去睇奧運,希望可以見到更加多香港運動員!」