現年21歲的盧蔚豐作為首個代表香港出戰奧運跆拳道比賽的選手,在今日凌晨(9日)的復活賽中以局數0:2惜敗國家隊選手梁育帥,無緣銅牌賽。
盧蔚豐賽後接受無綫巴黎特派專員鄭衍峰(Leonard)獨家專訪,Leonard訪問開首感謝盧蔚豐作出的努力:「學你話齋,你係代表咗香港10萬名跆拳道愛好者參與呢個比賽,經歷咗咁多嘢之後,你係覺得完成咗任務定係有咩地方想改善?」盧蔚豐說:「話就話已經完成咗任務,但我覺得可以做得更加好,都有好多改善地方。」Leonard續問道:「見到你第一場時,你已經處理得非常好,覺得有冇咩可以再調整?」盧蔚豐說:「覺得係防守,自己做得唔夠好,畀人哋偷到分,啱啱復活賽自己都有大意,啲細節位要再做好啲。」
Leonard提到盧蔚豐奧運之路困難重重:「由奧運資格賽,好似來回地獄又折返咁,冇咗資格之後又有番資格,可以再次踏上呢個舞台,感覺係點?」盧蔚豐說:「我覺得成個過程好似發緊夢咁,連我自己都冇諗過踏足呢個舞台。」Leonard問到之後的目標時,盧蔚豐說:「會畀自己放鬆少少,抖少少之後再準備下一個比賽,機會係留畀有準備嘅人,所以要隨時準備好。」訪問最後,Leonard感觸地說:「呢個係跆拳道帶畀你嘅理想,唔單止係十萬人,你係代表咗香港7百萬人去做呢件事,多謝晒你!」