港隊的「鄧謝配」鄧俊文及謝影雪在上屆東京奧運中獲得第四名，今屆是二人最後一次拍檔出戰奧運，自然備受關注，於今晚深夜0310左右，二人正式拍住上出戰羽毛球混雙分組賽，對戰日本隊選手，可惜最終不敵日本隊，但仍以次名出線8強。
「鄧謝配」賽後接受無綫巴黎特派專員鄭衍峰（Leonard）和莊琬晴（Edith）獨家專訪， 問到兩人的心情？鄧俊文說：「尚算滿意今次表現，我哋第二局中段其實打得麻麻，一路都落後緊，之後開始打得比較放，發揮比較好啲，好多波比較冇咁多顧慮，所以第二局追番上嚟。」謝影雪說：「同俊文講差唔多，都算滿意，但係有啲細節位做得唔夠好，同埋第三局尾段我自己接發做得唔夠好，所以可能急咗喺嗰度，就係差嗰幾分。」
講到上屆東京奧運沒有現場觀眾，今次則有很多人在現場打氣，問到感覺如何？謝影雪說：「比較東京興奮好多，有好多來自世界唔同地方嘅觀眾，無論我哋抑或對手打得好，佢哋都會畀好多掌聲鼓勵我哋，對我哋有好大動力。」Leonard提到鄧俊文有幾次成功得分後看上觀眾席，問到是否看現場粉絲？鄧俊文笑說：「係想自己放空少少，因為當時比賽好激烈，想望遠少少等個腦放鬆啲，跟住再好好準備。」
問到兩人有否說話跟香港觀眾說？謝影雪說：「好多謝大家咁夜都支持我哋，好多都較定鬧鐘睇我哋，雖然今日輸咗，但我哋都繼續努力打好每一場畀大家睇。」鄧俊文則說：「好多謝大家，應該好多人都要返工，多謝佢哋抽咁寶貴嘅休息時間嚟支持我哋，我哋會8強會再努力！」
