港隊運動員何瑋桁於奧運男子重劍32強比賽中飲恨落敗,無綫巴黎採訪隊繼續第一時間邀請到桁仔作獨家訪問,並與身處香港的隊友連翊希 (Coco)隔空連線。Coco一接通連線,即以甜美的笑容及聲音恭喜桁仔:「恭喜你第一次踏足奧運舞台,你覺得自己表現頭先點?」桁仔說:「我其實覺得我都盡咗力,有少少遺憾係,一開始領先好多,但去到中段佢攞咗幾分後,我自己就亂咗少少,最後輸咗。」 Coco聞言即安慰:「我見到你開頭領先咁多,我好為你驕傲呀,我知道你咁多年同佢打咗咁多次,佢係食住你。」之後,Coco即溫柔而又專業地再問桁仔:「你頭先第二節畀佢追到平手嘅時候,陸教練同你講咗啲咩呀?」全程對桁仔表現得相當關心。之後桁仔更透過鏡頭向觀眾及網民說:「多謝大家支持,好遺憾我唔能夠繼續進級,但我哋香港其他運動員會繼續努力,嚟緊爭取更好嘅成績,希望大家繼續支持我哋。」
之後,巴黎特派專員莊琬晴Edith柔聲地問桁仔,失落東京奧運後再踏上奧運舞台最大感受,桁仔說了數句後忍不住數度感觸落淚兼一再哽咽謂:「所以我其實我自己都知道,我嘅對手我係唔夠打嘅,我真係好想贏!」之後略帶激動的桁仔一再拭淚並說:「Sorry!」Edith見狀即體貼地輕拍桁仔予以安慰,Coco則以大叫桁仔頂住,並為桁仔打氣謂:「要硬淨呀!」、「你今日好叻呀!」桁仔續說:「嚟緊我會繼續努力, 因為呢個對手我知係唔好打嘅對手,我同呢個對手打咗十幾年,一路以嚟打咁多次比賽未試過多過五分,所以我本身打之前都好緊張。但今日一開始領先咗,我覺得自己有機會,但係又把握唔到,我覺得。。。我可以再做好啲!」 另一位特派專員「跳遠王子」陳銘泰全程在旁表現明白及支持,聽畢桁仔一番話後不忘安慰:「作為運動員見到瑋桁行到奧運呢一步都知佢經歷咗好多好多。我知道喺劍擊界,會講女仔重劍、男仔花劍,你已經成為今年男子重劍第一人,都為你嘅隊友創造咗一個歷史,我哋仲好年輕,今次只係第一步!」相當貼心。
完成訪問後,Coco再為港隊男子重劍運動員發聲,期間更數度感觸落淚:「頭先我見到呢個真情流露嘅訪問,我自己都好感動,因為桁仔攞咗亞運會銅牌、亞洲錦標賽金牌,已經係破晒紀錄,創造晒男子重劍嘅歷史。但佢依然不卑不亢,我好想Shout Out To所有男子重劍嘅運動員。。。」說到此處,Coco聲音哽咽,邊透大氣邊哽咽落淚謂:「你哋好叻。。。(我)仲激動過尋日呀,我覺得男子重劍團隊。。。成日都係只提女子重劍,男子重劍一路以嚟行咗好多嘅路,因為男仔比賽比女仔難打好多。所以好多好多男子重劍運動員,都好值得我哋香港市民關注。」表現相當有愛。