港隊「鄧謝配」鄧俊文、謝影雪今日(1日)凌晨02:20舉出戰羽毛球混雙8強賽,迎戰世界排名第3的韓國混雙組合徐承宰同蔡侑玎,爭入4強。第一局「鄧謝配」以15:21落敗,第二局一開始,「鄧謝配」狀態似乎仍未及時調整完畢,出現1:8大比分落後局面,而後兩人亦沒有來得及追上對手,以10:21再次落敗,「鄧謝配」巴黎奧運之旅結束,無緣四強。
「鄧謝配」賽後與無綫巴黎特派專員莊琬晴專訪, 兩人同樣今屆奧運以盡了最大努力,鄧說:「雖然成績同埋發揮唔係咁理想,但係我哋真係盡咗最大努力打好每一分,咁都冇辦法。」莊琬晴提到謝影雪一直都帶傷上陣,問到對韓國隊時有否特別部署?謝說:「盡量要跟住佢哋速度,因為佢哋速求好快、線路都有好多變化,雖然我哋做好準備,但係我哋速度同熟練度唔夠好。」莊琬晴講到謝影雪今次可能是最後一屆奧運,問到有甚麼想跟好拍檔鄧俊文說?謝說:「好多謝佢一路堅持。」鄧俊文哽咽說:「好多謝佢,我哋都夾咗好多年,有好成績時,亦都有好低嘅時候,一路都辛苦咁捱落嚟。」講到此時,兩人不禁感觸拭淚,鄧續說:「雖然今次只有8強,但對得住我哋自己。」
其實謝影雪奧一直受傷患困擾,奧運前二、三星期還在急症室,一個月前她就連唧牙膏、梳頭等動作都做不到,令她曾經懷疑過自己能否繼續參加奧運,幸好最後順利參加奧運並完成8強賽事,令她很感恩。