直播靈接觸紅衣女鬼真實身份終於揭曉！TVB Plus節目《直播靈接觸》自開播以來都深受觀眾喜愛，而其中每集都「默默地」陪伴主持人做節目的「紅衣女鬼」更變成熱話，網民不但細心留意「紅衣女鬼」的一舉一動，例如她道具、動作變多等。她跟黑白無常拍攝的短片亦大受歡迎。今日，小編就為大家揭開她的神秘面紗！
角色無對白 也要認真對待
翔翎坦言最初到《直播靈接觸》試鏡「紅衣女鬼」是為了追SHOW，加上她之前曾是主題公園「哈囉喂」活動中的扮演鬼，可以說是「有經驗的鬼」。對於演鬼，自然會有一番見解。
她分享當日試鏡時監製她即場試戲，「監製話果到有個井，你係中式女鬼，你會點做？即時要做，我答我會選擇比較慢，有啲動態鬼，有啲靜態鬼，而中式喺我角度係靜態鬼，所有嘢都要慢，要有陰深嘅感覺。」
演鬼發現自己唔識行路！
當被問到演繹女鬼有無難度時，翔翎想也沒想就說：「我原來唔識行路！」她續解釋：「頭幾集我都係坐，然後有嘗試過行，點知我原來唔識行路，唔識用女鬼身份去行路，因為要有一種飄嘅感覺，喺我個腦袋：『飄即係升起咗啦』，於是踮起腳去飄，但又好唔似喎。然後監製建議我睇一套電影叫《胭脂扣》學梅艷芳行路，我學咗之後返去同監製講，再試行畀佢睇。佢話真係OK喎，好好多有進步。之後拍果陣就加多咗啲行路嘅動作，越行越好，越行就越有飄嘅感覺。」
雖膽小但勇接靈異角色
聽着翔翎剖析怎演繹時，滿以為她是一個十分膽大的女生。豈料她說：「其實我好細膽！拍果陣成日都好驚，尤其片頭需要我一個人企在板後面，所有人同CAM都喺前面，那怕只是30秒都寒，但頂硬上。其實都好有安全感因為頭髮遮住哂，咩都睇唔到，好快就過去。」
片場貪玩卻引來「靈接觸」？
她又透露在試造型時，在戴假髮後覺得好新奇，就「整古做怪」扮鬼笑，沒想到化妝間的燈和風筒突然全熄掉。但她因為頭髮長瀏海擋住看不到，繼續開玩笑。「當時監製話嘩，你係唔講笑架你。我仲話：『唔係你估呀，好猛架。』啲嘢開返哂，跟住我攞把梳梳頭，一梳所有嘢又熄哂。我即刻捉住監製話：『對唔住呀，對唔住呀，我驚呀，我唔玩啦！』。自從嗰次之後，我本身係驚，但無去到咁驚，我當時有諗，我點解會接嘅，我本身咁驚鬼，點解會接嘅，開始自我質疑，造型試咗無得縮沙，去求咗條符，日日都戴住條鏈，求個安心。」
用心演繹換來新機會
翔翎指自己在每集直播完後，都會即刻上網睇留言，見到很多觀眾留言支持自己，覺得很感動。「真係好多謝觀眾，每一句支持同鼓勵都記住咗，好大支強心針，因為本身係氣氛嘢，有你哋去留意，已經好鼓勵，無諗過會咁，無諗過我每一個動作佢哋都有人留意到，原本我係諗住為個節目好，想氣氛好，唔係為咗畀人睇到，但真係有人留意到。留意到一個點，會為我抱不平，咁辛苦坐咗一個鐘，點解唔係片尾出佢個名，每集留言都好窩心呀。」
延伸閱讀 再見枕邊人｜彭翔翎「金秘書」成功搶焦 人稱「翻版林夏薇」 私下竟係視后收割機？
除了劇集外，她亦有參加綜藝節目，《全城一叮》就是其中之一，與孟希璘、黃凱琪搭檔演出。
延伸閱讀 起底組｜《直播靈接觸》女鬼彭翔翎兼職揸的士搵錢追夢 對家人支持感愧疚：想報答他們
