美食新聞報道｜土瓜灣Live Band鑊氣大排檔熱辣人情味聽住歌食潮州菜

點讚

撰文：微塵浮雲

發佈日期：2024-09-13 17:21 更新日期：2024-09-13 17:48

今集「故事味緣」主角Ivan 於7年前頂手了這間餐廳，他指自己很喜歡凝聚一班人去做一件事，所以想頂手這間餐廳，齊心做好它！同時，他亦想延續自己的唱歌夢，於是在餐廳一周年時，邀請當年的結他手，聯同新成員，於餐廳內演出了第一個Show，結果大受歡迎，決定一個月演出一次，至今已差不多演出一百場！Ivan表示：「以前唱開歌，好有表演慾，一路唱一路同大家傾計，一路聽歌一路食嘢係好夾大排檔。」

擁有餐廳老闆及「駐唱歌手」雙重身份的Ivan起初頂手餐廳時，是廚藝初哥。因為他有「咩都想做好佢」的心態，一直努力鑽研，到後來更研發獨有的滷水鵝肝，「我自己研發嘅，『潮式滷法，法式食法』，呢個鵝肝食落去好似法國鵝肝咁軟綿綿。」這道菜製法方法很繁複，鵝肝要先汆水後冰鎮，再用滷水慢煮。Ivan解釋：「滷鵝嘅時候啲油都喺哂鍋面，用呢啲油去滷就會更加香，用低温煮佢6至7分鐘，跟住再冰鎮，整個過程要反反覆覆做，工序需要約兩小時。」滷水鵝肝吃起來入口即融，夠味而且口感滑。

蜜椒鱔球是餐廳招牌菜之一，先把鱔起骨切片，再點上獨有蛋漿炸約3分鐘左右，煮好黑椒汁後再落鱔炒。鱔球脆口和香口兼備，味道剛好，不會太甜。

每件事都親力親為的Ivan每日都會專誠到街市入貨，「鱔同蟹係我哋嘅招牌菜，所以要買定畀廚房準備定。」

他於訪問當天購入優質的蟹，讓大廚炮製蟹皇海鮮燜飯！「呢個係第一任大廚留低嘅食譜，一直至今都好受歡迎，係招牌菜，會先炸蟹，飯用沾米做，燜飯燜到每粒飯都有湯汁，食落口感會有啲似糯米飯。之後再用雞湯加入薑、蝦乾燜蟹，咁蟹汁就會出嚟，再用蟹汁嚟燜飯，飯就會充滿蟹味！」

餐廳除咗有各樣美味的菜式之外，其獨有的Live Band，也成為餐廳一大特色，吸引一大批知音人來邊食飯邊聽歌。Ivan指自己很有表演慾，覺得「一路聽歌一路食嘢係好夾大排檔。」他分享以前都有夾開band，亦有教唱歌，而餐廳有Live Band的起源於當年餐廳一周年，「諗住揾啲嘢攪下啦，揾返以前夾開嘅結他手，再揾其他樂隊成員，第一場就爆到，好受歡迎，好開心，跟住就每個月做一次，都差不多做咗一百場，好開心啦，變咗大家除咗記得我哋啲嘢食之外，都記得呢到有Live Band睇！」