喜歡食齋的朋友,相信一定聽過位於灣仔,有「香港第一齋」美譽,創於1905年,至今已經營119年的齋舖!能夠經營多年,食物的品質絕對是頂級,其中代表作,推出超過百年的「齋鹵味」仍然是食客們的心頭好!老闆彭老先生表示:「香港齋鹵味係得我哋賣先,由開舖到而家已經有,呢個已經過百年歷史。」
不計較成本 堅持高品質
齋鹵味包括多款不同的食材,包括酸齋、咖哩齋、豉味齋、齋鮑魚、齋鴨腎、齋叉燒等。彭老先生十分堅持維持高品質,「落麵筋先汆水去油,醋較好咗,我哋係用米醋,係用釀完酒嘅米糟再做醋,所以叫『酒後醋』,係最天然嘅醋,口感會好好多,無咁酸。就算米醋都要分等級,但我要求供應商畀最好嘅我,貴少少唔係問題,所以我哋直到而家都係用香港地道出產嘅米醋。」
食齋是有錢人專利?
說起舖頭的歷史,彭老先生拿出一本過百年的食譜說:「香港齋滷味係我哋賣先,呢本書仔有記錄寫住『齋餅鹵味』。呢本食譜係用嚟派給富裕人家,當年只有富裕人家才可食齋,因為當時人工每個月只有十蚊八蚊,每個月寧願買肉食,都唔會食齋。」
彭老先生補充:「明年2025就係我哋120年歷史,第一間店喺堅道,開業幾年後,因為樓宇要清拆,就無再做。之後搬去灣仔一幢4層大廈,到70年代再遇清拆,於是搬到而家呢個位置。」想齋好味就要用「它」起鑊
舖頭另外一個招牌菜是翡翠法輪卷,當中只有4樣材料,金菇、甘筍,腐皮、髪菜,口感豐富,炸過的腐皮,鬆化有豆香,配上調味就可食出不同食材的味道,外脆內滑,層次豐富。彭老先生表示,因為齋菜不可用五辛、蒜等調味,「想齋好味通常用薑來起鑊,會更加香,會將鑊熱度較高,令佢更加香,盡量保持到鑊氣效果。」
芋頭魚是齋菜中的最受歡迎的菜式之一,先把芋頭蒸熟搓爛,放入魚模壓成形後再炸。保持古早味不容易 力求傳承下去
作為百年老店,舖頭所有的出品都成為客人心目中傳統的代表,但要一直保持這份古早味,並不容易。第四代接班人彭小姐直言:「要傳承唔容易,有啲原材料好以麵筋咁,有時都比較難揾,例如有間我哋幫襯咗好多年,可能佢亦都係呢個問題,無人承繼或承接,啲品質都差咗,我哋又會轉。過程好難,因為要揾好嘅品質,有時都擔心保持唔到水準。」
彭小姐指自己畢業後就到舖頭幫手,一做就十幾年,「做下做下,就一路做,我都希望堅持到,有生之年都會繼續做。一切變化都未知,我都係佛教徒,我之後都覺得無所謂,邊個傳承。希望有人接手落去,再邁進落去,希望第二個一百年。」
彭老先生表示認同:「或者畀有興趣嘅人做,我哋總能維持落去,我哋有個聲譽,總會有人願意做!」彭小姐續指:「等於外國一啲好出名嘅品牌,過百年歷史,人地外國都可以維持咁耐,佢哋都未必係一個家族維持,可能都會賣咗畀人,但起碼都會將佢發揚光大。」灣仔韓國人主理小食店
超過20多款迷你版韓國紫包飯任揀!
喜歡吃韓式紫包飯的朋友,就要跟范莎莎到灣仔一間由韓國人主理的小食外賣店,這間店提供20多款迷你版韓國紫包飯,款式多多,適合想一次過試食幾種口味的你!
今次莎莎選擇了招牌紫菜包飯,十分足料,醃蘿蔔、紫菜和麻油味都很香。火腿芝士包飯,看上去感覺混合了港式、韓式風格,加上芝士也不會太膩,所有材料都十分夾。莎莎指大大件的烤牛肉油豆腐包飯,牛肉好出色帶有甜味,至於飯加了醋、芝麻和蔬菜在其中,口感大大提升,又甜又酸的組合十分美味。雞胸肉生酮紫菜包,用蛋絲代替飯,配合雞肉和菜,紫椰菜帶有脆感,感覺很健康。東方小祇園 灣仔軒尼詩道241號地舖Chef's Meal 灣仔莊士敦道57號地舖