中年好聲音3丨海兒才貌雙全擁強勁音樂背景 做評審甜美樣子成焦點

對於首次擔任評審的海兒表現大方專業，她曾受訪時表示事前做足準備功課：「因為我冇做過節目，冇乜經驗，我當然有做功課啦，我就睇番第一、二季片段，之後就錄自己，扮我要畀評語，再等屋企人同朋友睇下。」

海兒再在社交平台發長文對於做評審的感受，指每次做新的嘗試都有意想不到的收穫：「我由三歲開始學琴，10歲開始學唱歌，一直以來，學音樂都係理所當然。長大後先發現，原來好多人想學音樂但冇機會，好多有天份潛質嘅人想用音樂作事業，又因種種嘅原因，都不能如願以償。」

她續指以往自己只着眼唱歌的技巧：「今次見到很多不同參賽者帶着不同的故事來，終於明白，有些作品和歌曲真的需要有經歷才能唱出味道，即使作為一個評審，但其實我學到和收穫更多，我覺得呢個節目真係好有意義！」

另外，從海兒的社交網可見，她亦不時晒靚相，見其上圍豐滿，又有小蠻腰，身材相當弗，難怪有人將她與「元祖級最強Body」的高Ling媲美。