《中年好聲音3之百強誕生》今晚（19日）8時30分翡翠台播映。
今屆繼續有積極繼續追尋歌手夢的參加者，39歲前歌手趙浚承於2008年以男子組合Square出道，惟星途平平一度離開樂壇甚至香港，轉移陣地到北京經營生意，期間未有放棄歌手夢，自資出歌。36歲侯靜伊為一名HiFi唱片歌手，以青春牛仔look現身獻唱《初戀》，希望可以成為《中年好聲音》大家庭的一份子。
其他較特別的參加者還有現年50歲的蔡堅偉，原來是第一季《聲夢傳奇》學員蔡愷穎（Lolita）的爸爸，海選當日，Lolita一直陪伴在側為爸爸打氣，並大讚爸爸表現100分：「唔係唱開歌嘅人，又冇學過唱歌，夠膽參加已經好叻！」蔡堅偉表示參賽目的是為了鼓勵二女和細仔、繼承家姐衣缽參加《聲夢3》。
自封「中年好司機」的52歲劉建偉看似幽默風趣，分享的動容故事卻令美女評審海兒感動落淚，劉建偉說：「我唱《千億個夜晚》係紀念太太，兩年前因一個意外離世。」伍仲衡直言：「我唔撳（鐘仔）係因為知道你太太聽緊。」36歲羅逸軒則指90多歲的祖母是《中年好聲音》忠粉，因有感祖母近期對生命感到消極，為給她驚喜故秘密前來參加：「如果佢返屋企睇（《中年好聲音》）見到係佢個孫，會更加正！總之呢個比賽行到幾遠得幾遠，我都想畀啲動力佢。」
