【中年好聲音3】新馬區高手集合 第一集比賽精華合輯
《中年好聲音3》之決戰新馬,首集就有3位參賽者獲得4燈以上,更有一位獲得伍仲衡欣賞,以5燈成績過關!大家又最鍾意邊位呢?
劉傳民 《有多少愛可以重來》作為第一位選手劉傳民登場即獲好評!唔單止外形似搖滾巨星,佢仲係Beyond嘅Fans! 初到香港就去拜家駒!成件事都好ROCK啊!
莫健發 《得不到的愛情》,莫健發作為參演過百套作品嘅演員!原來佢好唱得㗎!肥媽為大家介紹一位嘉賓賈思樂,佢大讚莫健發有英國表演者嘅水準,仲對佢有好大期待!
王鄭浚仁 《同花順》,節目嘅第一個五燈選手,實力當然有返咁上下!流暢嘅轉音同震音令一班評審毫不猶豫撳燈俾佢,仲成功令伍仲衡第一次撳燈!
中年好聲音3|星期日 晚上 8:30|翡翠台