今晚乜都拗丨蕭正楠求生欲大爆發向黃翠如瘋狂表忠支持「結婚好」論點勁爆笑：單身好返到屋企就有好多嘢跟

點讚

撰文：爆炸頭七蝦

發佈日期：2025-02-20 11:03 更新日期：2025-02-20 11:46

今晚乜都拗丨蕭正楠求生欲大爆發向黃翠如瘋狂表忠支持「結婚好」論點勁爆笑：單身好返到屋企就有好多嘢跟

《今晚乜都拗》由出名轉數快的森美擔任主持，並邀請一眾牙尖嘴利兼富有邏輯思維的藝人組成「包拗團」，就每集的貼地「拗題」進行正反討論，之後再由40位來自不同界別的觀眾／專業人士組成「包拗谷友」，選出最終支持正反哪一方。

今晚（20日）一集評論題目分別為「單身好啲定結婚好啲」，支持結婚的藝人代表有蕭正楠、麥美恩、林秀怡，支持單身的藝人有曾展望、周奕瑋、潘盈慧。是集蕭正楠阿蕭求生欲大爆發，曾先後三次高調展示對老婆黃翠如的忠誠、真心及寵愛，當中又夾雜了某種無可奈何，相當識得製造節目效果。

阿蕭節目一開始即搞笑地唱好婚姻謂：「我答咗單身好，我返到屋企就唔輕鬆喇，就有好多嘢要跟尾，所以絕對係結婚好！」之後才回復正經謂：「我覺得喺結婚嘅過程，令我最深刻係我覺得我比以前更加好…」當被追問婚後是否「無自由」，阿蕭先是發呆、繼而笑到唔識停，恍如被篤中死穴的他更有口難言咁款回應：「唔好講我呢個CASE先啦，我驚我講錯。」然後又是一本正經強調不會單獨跟女性出街食飯，阿蕭說：「唔係佢唔畀，而係我唔想！」

阿蕭拋另類愛妻言論：可以喺佢嚟M時特別溫柔

更爆笑的是，當近日被葉蒨文看中的曾展望GM直指「沒有另一半，問題少一半」：「女朋友要氹架嘛，一個月總有幾日情緒波動啲，我自己已經情緒壓力大，我再要承擔多一個人嘅情緒，就大件事。唔通你話聽日氹（番佢），咁你未必捱得到聽日。」阿蕭聞言即搞笑窒爆GM：「如果你性格係咁，你嘅下場都好悲慘！你好多負面嘢講出嚟，你唔可以喺佢嚟M時特別溫柔架咩？」周奕瑋聞言搞笑反擊：「呢個世界唔係所有女人都係黃翠如嚟架嘛！」此時之前數度「花式自殺」的森美忽然「回頭是岸」，並搶著說：「我太太好過黃翠如！」隨即引發阿蕭示意宣戰，場面搞笑。