今晚乜都拗｜商天娥談未入行前遇急色男真實經歷 搞笑還原當年心聲：雖然我想啫！

無綫推出全新辯論形式綜藝節目《今晚乜都拗》，由出名轉數快的森美擔任主持，並邀請一眾牙尖嘴利兼富有邏輯思維的藝人組成「包拗團」，就每集的貼地「拗題」進行正反討論,節目逢周一至五晚翡翠台晚上10點半播映。今晚（21日）一集評論題目分別為「速食文化對現代人嚟講係好定唔好」，認為好的藝人代表有陸浩明、鄭衍峰、林秀怡，認為不好的藝人代表有商天娥、麥美恩、孔德賢。

向來甚少亮相綜藝節目的娥姐，在《今晚乜都拗》中盡顯直腸直肚真性情。話說眾人由「速食文化」開始一直拗，並衍生到男生第一次約出街便要求上香閨應如何應對，就此娥姐突然大玩懸念：「（你哋覺得）我有冇可能遇過吖？」隨即引起洶湧群情，娥姐亦爽快分享昔日真實經歷：「試過啦梗係！咪第一次約就話去你屋企喎，雖然我想啫。」隨即引發哄堂大笑，娥姐續說：「但係都唔可以架嘛，呢啲係女性嘅矜持，你都要了解條友有冇誠意架嘛，雖然靚仔啫！」6號隨即八卦追問：「佢拍過邊套劇先？」到底娥姐會如何回應？