何太爆曾與何伯同居7日後疑有孕 竟遭老公質疑畀死貓食：問我係咪想攞多啲服務費 何伯知錯冧爆表白！

《東張西望》何伯何太是這個夏天香港最hit的人物之一，近幾個月來，他們不斷上節目及開直播自爆家事，成為市民茶餘飯後的話題。近日，何太被爆曾於去年11月在其鄉下陽江偷食人夫當第三者，更被疑似正印爆料收到何太的「宣戰」短訊，再度引起熱議。爆料的網台指何太可能常以懷孕作藉口，事關有網民翻出早前疑似何太在一群組的聊天記錄，何太稱自己與何伯剛拍拖時，因經期延遲，懷疑自己有孕，曾問過何伯如果懷孕會否跟她結婚，但何伯卻表示：「係咪我㗎？唔好質我食死貓。」何太更指何伯「不知幾醒」，又稱何伯當時的回應令她心傷，並將婚後一直未能懷孕的原因推在何伯身上：「因為報應呀！你想要就冇喇！」

延伸閱讀：何太被爆偷食內地人夫仲懷孕？疑似正印爆料何太耍手段挑機：每晚帶唔同男人向我老公示威

今早（4日），何太為自己做第三者以及陀住BB去街市搵人食死貓的傳聞澄清，她詳細解釋當時懷疑自己懷孕的情形：「嗰陣時我同咗我老公 （何伯） 一齊咗成個月，第二個月就推遲咗一個禮拜左右無嚟M，我就同我老公講咗一句啫，話唔知係咪有餡，唔知係咪懷咗BB呀，我老公都好驚訝，佢都唔相信，佢話『吓，唔係卦，有咁快？』當時佢好防我啦，總之我老公佢係好精靈既，根本都係好識提防我囉。我只不過係嚟遲咗M啫，都無BB，就屈我話我陀個BB，聽到我老公叫我去驗DNA，我就驚到落咗去，邊有呢啲事。」

何太承認對何伯的反應非常不滿：「我老公講當時仲唔相信一個月就會有咗，我見到佢啲反應都好傷心，我嗰時都有懷疑我有無睇錯人，點解佢會咁既反應呢。如果佢真係愛我，就算個肚唔係佢既佢都會接受。佢最傷我心係佢話我屈佢食死貓，當時我真係暈咗一暈，當自己識錯咗人。佢如果有幾百萬都睇我唔起㗎，係呢幾個月佢落難原來我對佢係不棄不離，佢先知道我真係好人，初初佢對我都唔係好㗎。同佢同居咗7日，我計錯日子係兩星期，佢明明一蚊都無出過畀我，竟然問我係咪想攞多啲服務費，又激我一次。」何伯也「知錯」，冧爆表白何太：「我執到，我執福，多謝你老婆仔，我呢個老婆個心地百中無一架，佢又無呃過錢又無騙過我，樣樣都同我講真心話，佢真心既。」