剪裁魔法師丨郭珮文化身「鈦金屬戰士」晒最強葫蘆型Body 「厭世臉」行騷因下圍太豐滿累事？

設計師睇中郭珮文「社恐」特質 叮囑Keep住厭世臉

早於決賽前三個星期，五對「設計師藝人配」：Toki＋張馳豪（Aska）、Kev＋郭珮文（Juliana）、Kyle＋邢慧敏、Jackson＋李爾晨、Timbee＋王嘉慧已開始密會備戰，當中Kev的合作藝人雖然由陳楨怡變了郭珮文（Juliana），但Kev仍然處變不驚，並笑言與Juliana會面後直言被Juliana高冷外觀「呃到」：「原來佢實際係好怕醜嘅女仔，仲有少少社恐，我覺得呢樣幾有趣。」由於Kev希望營造cool爆感，故叮囑Juliana行騷時切忌顯露笑容：「佢一笑就帶咗幾分傻氣！」

決賽當日，Juliana穿上超貼身水光緞物料製成的套裝，化身「鈦金屬戰士」展現完美玲瓏浮凸婀娜身段，行起A字型天橋全程「厭世樣」，有姿勢有實際兼有氣場。評判們對Juliana演繹的Power Suit大致正評，蘇永康與Gigi大讚衣服物料漂亮，Gigi更揚言「好想買一套自己著」；而Walter和Amanda S.則認為衣服設計敗筆落在Juliana的豐滿下圍，到底原因何在？