友乜唔講得丨汪明荃被爆當年與福祿壽重現「四朵金花」時眼濕濕嚇窒全場 阿姐：我冇辦法錄落去

因TVB節目《歡樂今宵》結緣眨眼40載的阮兆祥、梅小惠、江欣燕，早前合作拍攝節目《友乜唔講得》，本周日（9日）晚播出的第三集的嘉賓，是TVB鎮台之寶汪明荃！

談到當年與阮兆祥、王祖藍、李思捷合作拍攝《荃加福祿壽》，阿姐坦言接拍前有猶豫：「佢哋話想要我帶一帶啲後生喎，我話我點帶呀，我唔係搞笑架喎，咁佢叫我一齊玩，我都當學吓嘢，試啲新嘢啦。」祥師兄即大讚阿姐勇於跳出自己框框嘗試不同造型，對此阿姐又再發揮專業本色謂：「每個人都要有啲貢獻架，我咪貢獻我所長咯！」談到拍攝期間的難忘事，祥師兄指當年四人重現「四朵金花」經典時，看到阿姐眼濕濕煞是感觸，令眾人十分擔心，阿姐亦直指當時自己是「冇辦法錄落去」，阿姐說：「當時佢（祥師兄）好似肥姐，王祖藍又係好似（張德蘭），唱歌時嘅郁動又全部都一樣…」阿姐邊說邊不斷讚嘆昔日好拍檔肥姐實在「太叻」：「幾尷尬嘅場面佢都兜得翻，仲要喺片場打滾咗幾十年」，阿姐又笑言曾遭小時候的欣宜批評英文叻但「Not that fluent（唔夠流利）」，相當搞笑。