友乜唔講得丨薛家燕難忘當年婚姻出問題找工作養家處處碰釘直認「好姨」是人生轉捩點

點讚

撰文：爆炸頭七蝦

發佈日期：2025-02-24 10:28 更新日期：2025-02-24 11:22

《友乜唔講得》由阮兆祥、梅小惠、江欣燕主持，今晚（23日）播出的第五集嘉賓，是出名是開心果的薛家燕！

江欣燕霸氣Lv up扮曾勵珍勁爆笑

本集主題是處境劇，家燕姐出場前，三位主持小惠、欣欣及祥仔大談當年拍處境劇的難忘事，欣欣更大膽地無綫高層曾勵珍上身，摙住把聲兼極有霸氣地還原當年珍姐對其演出《同事三分親》的評價：「入到珍姐房佢問我：『你有冇睇Forum呀？』我問：『咩嚟架？』（珍姐：）『電腦呀，嗰啲人好憎你喎』（欣欣：）『咁點呀？』（珍姐：）『但因為你呢個反派做得好，以後會加重你啲戲。』」足證珍姐關心藝人的同時，亦樂於主動給予各人發揮機會。祥仔亦指當年《皆大歡喜》，雖然是因為他向珍姐提議才有之後的時裝版，但其實當時是全靠珍姐一早想好了貫穿古裝及時裝版本的絕世好橋，才能時裝版比古裝版拍得更多集數！小惠續指當年《皆大歡喜》受歡迎程度，是每星期都會有觀眾競猜主角們下星期的造型會是甚麼顏色，小惠說：「嗰時啲衫嘅顏色，係永遠都唔會撞架。」

本集嘉賓家燕姐，正是《皆大歡喜》的靈魂人物，家燕姐坦言當年復出拍劇前，因為婚姻出現問題，曾四出搲撈，涉獵行業包括地產、保險及婦女資訊節目主持，可惜沒有一次成功，皆因大家都不相信家燕姐要找工作，家燕姐說：「我試過想做地產，一入到去啲人以為我嚟買樓，成堆人湧嚟介紹樓畀我。又試過想做保險…啲人唔信呀，但你請佢出嚟要飲茶食飯架嘛，變咗愈使愈多錢，但都簽唔到一張單。」

「好姨」出街後工作不斷：拍咗兩星期度我call機就未停過

說回當年復出接拍的第一部劇集《真情》並飾演好姨，家燕姐指是獲珍姐邀請加入劇組，並直指好姨是其人生轉捩點：「佢出場時係奸角嚟，但估唔到啲人鍾意。我拍咗兩個星期度，我個call機就未停過，剪綵、登台、拍電影（係咁嚟），《食神》都係嗰時搵我嘅，啲廣告多到不得了。」家燕姐還搞笑地還原當年call機震個不停的「盛況」，畫面勁爆笑。家燕姐又大爆當初簽好姨只簽了30集，期間友台向家燕姐招手拍處境劇，並開出一個當時家燕姐覺得是相當高的價錢：「人工爭好遠，比無綫多好多。（有冇三倍？）佢係50集畀一大嚿錢我。」