東張西望櫃員機！《東張西望》7月14日播出一陳女士聲稱「被銀行呃咗$27,000」的報道，引起觀眾及網民熱議。昨日（13日），《東張西望》預告事情將有新發展，指事件已經「水落石出」，大家鎖定今晚節目後續報道呀！
事件經過一覽👇：
陳女士向《東張西望》透露，自己早前吩咐女兒將3萬元港幣存款，共60張500元紙幣，存入自己的信用卡戶口，女兒陳小姐（化名）亦親自在節目解說當時透過櫃員機入錢的情況，表示自己在櫃員機前，「有數過係60張500蚊」，她根據指示按鍵後，便將紙幣放入櫃員機，並指當時螢幕有顯示「500元 x 60」，她看清楚後才按確定，而當時她見到收據亦顯示總數是3萬元，並在走到巴士站後，將收據拍下，透過WhatsApp傳給媽咪。
東張西望櫃員機事件是陳女士指大摡在晚上11時46分收到女兒的收據，但她打開銀行手機程式發現不妥：「11點29分入咗3千蚊，所以我覺得好奇怪。」陳女士翌日到銀行的沙田分行查詢，職員亦表示會跟進個案，之後銀行經理要求提供正本收據。其實當晚陳女士亦有向女兒要求看正本，女兒指放在平板電腦上面，如果找不到則可能是飄到了地上，結果陳女士當晚返到家後翻遍全屋都找不到那張收據，女兒才坦白說自己早已將收據扔掉。女兒亦向《東張》解釋：「因為我冇keep單習慣，所以喺沙田站已經掉咗。」
銀行職員之後亦向陳女士表示：「翻睇閉路電視，其實存入金額同你講3萬蚊係唔符合。」陳女士要求翻查閉路電視，卻遭銀行方面拒絕，因為陳女士並無權限，跟著陳女士去報警，但仍然無果：「警員同我講，因為唔涉及刑事，唔可以睇CCTV，我真係覺得好冇保障囉。」陳女士更慘呻道：「呢個月真係瞓都瞓唔到，真係要食藥、眼醫生，我而家無言啊！係無眼淚啊！」女兒陳小姐說：「其實我都好不解，以為銀行見到收據就得，點解你仲要咁執着正本？唔通可以偽造收據？冇可能㗎嘛，做唔到，我一個普通市民，又唔精通電腦。」
《東張》主持李旻芳實測將60張500元紙幣，透過同一部櫃員機存入戶口，不過經過多次嘗試，依然有幾張紙幣彈出，最後只成功入錢$29,000，而對比兩張收據的分別，李旻芳就發現兩者排版有出入，因為陳女士女兒所拍攝的收據尾數並未有像這張收據一樣是對齊的。《東張》更質疑：「陳小姐WhatsApp媽咪呢張，3萬蚊個0字明顯凸咗出嚟，如果同上面英文字母對齊，金額咪變返3千蚊？」節目組去信銀行，收到回覆指：「懷疑有虛假文書之可能性，故已報警備案。」
節目播出後，不少觀眾及網民質疑女兒有古怪，但陳女士表示堅信女兒是清白的：「我諗佢而家見到事態咁嚴重，唔會同我講大話，係咪？」
