據《東張西望》昨日（8日）報道，觀塘一家店鋪售賣價值逾5萬元的神奇電療機，店員聲稱這部儀器有清潔血管、分解向管內脂肪、膽固醇的作用，更指有人使用後連癌指數亦降低。市民陳先生向節目組反映，指家中長者在幾個月前開始，突然開始叫自己與兒子吃保健品：「佢話自己去咗間舖坐過一部電療機，我唔知點運作，佢坐完話自己身體好咗、好瞓咗，頭痛都冇咗，睇嘢做清楚咗。」不過陳先生就對電療機的價錢及功效有所質疑：「我覺得咩機要5萬幾蚊？好多醫療設備都未必使呢個價錢。佢講嗰個療化好似真係無乜根據。」
電療機深受中老年人歡迎 《東張》放蛇親試電
節目組去到觀塘分舖放蛇，到達時已經見到有十多位中老年人士坐在店內使用電療機。工作人員坐下後，職員即為他試電，當工作人員指腳有點發麻，職員則表示：「證明腳部血管爭少少，因為佢要過電，但你嗰卡住，感覺大啲。」職員隨後又拿出一張過膠的A4紙與工作人員玩「過電」：「呢個叫電位差，你通梗9000W嘅靜電，我無通呢個電，你啲電就過咗嚟。」
日本製造 療效神奇 能治癌症 坐輪椅都企得返？
店內銷售的電療機於日本製造，售價5萬多元，職員大讚電療機功效，聲稱可以清潔血管、淨化血液，更表示：「電流到身體中的每一條血管，有一個震動，最低40下，最高70。佢喺血管裏面震動，分解脂肪、膽固醇、沉積物，因為分解咗先可以排出來。」更表示：「一粒藥唔使、一支針唔使，就咁坐喺度咁舒服，令隻腳無咁痛，令你好瞓啲。」在場還有不少「病人」幫口，譬如有位在場中年女士指自己45歲哥哥中風後要坐輪椅，但在使用這款電療機半年後，就可以用四爪拐杖：「到而家佢可以返工，唔使用拐杖。」之後又指有乳腺癌病人「坐機」後，癌指數降低，功效相當神奇。
總公司強調有27年歷史 取國際認證 屬合法經營
主持梁敏巧到店舖詢問電療儀功效被質疑一事，卻遭職員「敷衍了事」：「負責人唔喺度。」而後職員進入房內，稱致電負責人，不過很快就再表示：「我哋代表唔到負責人答你。」更將梁敏巧及工作人推出店外，並關燈、關門。而總公司則以電郵回覆《東張》表示：「不做任何回應。」又指在港合法經營已經27年，儀器亦已按機電工程署要求，取得國際認證。
心臟科醫生直指有潛在風險 大學物理系講師表明唔會影響身體內部結構
心臟科醫生曾振峯接受訪問，表示曾聽聞該款儀器：「暫時醫學上都未見好大型嘅臨床數據，喺呢方面做研究。」心臟科醫生曾振峯更直指長期使用，隨時有潛在風險：「我個人未必太建議，老人家好多都有心律不正、高血壓，佢哋未必有明顯徵狀，以為自己無乜問題去接受治療，有機會令本身病情惡化。如果本身唔知有呢啲情況，而使用儀器後令情況惡化，就可能有啲危險。」物理治療師彭潤明則表示：「一般電療都係針對受傷部位，去放鬆或促進向液循環，只會應用喺患處嗰度，好少會應用喺其他無事部位。」物理治療師同時表示，一般亦會避免使用太高的電壓作治療，因為身體難以負荷。中大物理系高級講師湯兆昇接受訪問講解：「如果係靜電，唔會喺身體裏面流通，當佢入咗人體，產生刺痛就會消失，因為電壓雖然高，但電量好少。」而9000w靜電：「簡單來講，有幾大推力，將電流推入你體內，9000w就係講推落去嘅電量，用一個好大嘅能量推落去，都要睇下你有幾多電。」最後總結指：「靜電對我哋來講會產身刺痛，唔會影響身體內部結構。」
