校園好聲音 - 唱響中國︱6位大學生爭做「校園好聲音」！李佳羅啟豪顏米羔林鉫徫陳俞霏林思彤升呢做導師

節目甫開始，李佳、羅啟豪、林鉫徫、顏米羔、陳俞霏和林思彤合體獻唱《星秀傳說》打響頭炮，之後再有周吉佩及譚輝智分別獻唱《Falling For You》和《心碎了無痕》。作為大學生要參加如此大型的音樂比賽，心情自然緊張，對此身為過來人的吉吉分享減壓心得謂：「我次次上舞台之前，就算依家都好，我都會好緊張，我會喺後台震晒先，將啲震震晒出嚟，一放鬆嗰吓就覺得唔會再震。」盈盈則教路謂：「我會用雙手揞住口鼻，然後呼吸10秒，因為吸番二氧化碳可以令肌肉放鬆！」

第一個回合，歌單先後是《女神》楊靖晴、《Believer》楊曉盈、《償還》李佶芮、《花無雪》洪心怡、《如願》劉戀以及《百年孤寂》李龍歌。該回合中，以同樣都是22歲的楊曉盈和洪心怡表現最為亮眼，楊曉盈雖然人仔細細，但爆發力十足，大晒Rock風引爆全場氣氛，陳潔靈大讚：「好鍾意你個Body Language，你唱得好投入，呢首歌叫《Believer》，You make me believe in you already！」韋綺姍則說：「你唱得好好，你完全唔驚，你咁瘦都唱到咁Rock，同埋你眼神真係做得好好！」洪心怡則獲讚人靚聲甜，周國豐直言她是一塊寶玉，李蕙敏則說：「你把聲適合唱廣東歌，真係好有潛質做歌手。」至於出名奄尖的伍仲衡則說：「簽得呀呢個！有樣靚女，把聲又有辨識度，好鍾意你把聲，有你個人特色喺度。」最終哪三位參賽者能成功晉級第二回合爭奪冠、亞、季軍？密切留意今晚播出的《校園好聲音 - 唱響中國》。