海兒親揭擇偶條件要有呢個興趣！高顏值胞姐靚樣曝光

在節目中，海兒被爆原來一日只吃一餐，指在英國回來後便一直保持這個飲食習慣：「我媽咪都係一樣，爹哋同家姐間唔中都係，我朝早起身會飲水或者齋啡，如果嗰日覺得需要多啲能量，就會飲杯蜜糖水。」

她指有此飲食習慣，全因覺得上鏡要瘦一點：「我最初係冇咁注重營養，但依家係均衡，如果約咗朋友都會食兩餐。」三個主持人聽完都覺得辛苦，陳淑蘭更笑說：「咁我唔妒忌妳得23腰。」

不過海兒指在英國時最肥試過130幾磅：「依家係人生最瘦有112磅，近排要上鏡，所以會再健康少少，我仲專心學化妝，得閒試吓點樣化先令自己上鏡係最靚，全部妝都係自己化。」

在感情方面，海兒直言望感情事業兼備，並自揭擇偶條件：「如果佢唔畀我做嘢，呢個就係唔適合嘅人。我仲覺得要有共同興趣，打機係其中一個，最重係畀我做鍾意嘅嘢。」

她又指對結婚冇憧憬：「對我嚟講，結婚係睇時機，我試過同媽咪講只係希望得兩個人，唔想有太多儀式，或者喺海外搞，等啲朋友有藉口唔嚟。」

另外，擁有天使面孔的海兒，其胞姐同樣顏值高，今年10月更成為人妻，在奧地利舉行浪漫婚禮，作為妹妹的海兒當然也有出席見證，兩姊妹齊齊合照留念，大家美貌出眾，絕對是平分春色。