猜猜我是誰︱「溜冰皇后」柏安妮入行前珍貴溜冰比賽片段曝光　重溫「開心少女組」合唱片段引爆集體回憶

節目一開首便曝光了Ann昔日在比賽場上的溜冰英姿，雙腿修長兼身形極弗的Ann，不但身手敏捷、溜冰速度極快，屈膝旋轉絕技更是十分高超，竟可連續旋轉19圈，技驚四座！柏安妮受訪時坦言溜冰訓練頗為刻苦：「朝早要4點就起身訓練，因為嗰時冇人同我爭場，可以練得集中啲。」柏安妮教練黃屏亦大讚Ann甚有紀律：「佢係好聰明，同埋好有紀律。」9歲首度接觸溜冰的Ann，還透露學溜冰的原因原來與貪靚有關：「我自小就好好動，我嗰時9歲，睇電視見到人溜得咁靚，覺得我可唔可以咁樣呢？」又笑言溜冰與演藝事業有共通點：「因為我哋細個溜冰習慣咗喺咁多人表演做Show，所以冇咁怕醜。」其實柏安妮當年亦因為「溜冰」，才有機會加入影視圈，事緣Ann在溜冰比賽勝出後，多了曝光率及拍攝了數個廣告；之後她在英國完成學業返港，碰巧有電影公司想找一名會溜冰的女生做主角，因此造就了柏安妮入行。

柏安妮入行後的代表作除有電影《咖哩辣椒》、《風塵三俠》外，還是「開心少女組」成員之一。節目又重溫與隊友袁潔瑩、羅明珠和陳加玲的合唱片段，片中四名「開心少女」青春無敵又靚女，引爆網友集體回憶；值得留意的是，童年已長得勁Cutie的柏安妮，獻唱時不但笑容甜美，雙眼更是炯炯有神，絕對三歲定八十。除了運動及演藝細胞兼備，柏安妮原來還是學霸一名，成績優異的她曾獲英國牛津大學錄取， 但最終因為決定加入演藝圈而放棄相關機會。