《香港婚後事》將於今晚（25日）起、一共十集逢周四及周五晚十點半於翡翠台播映，節目主持為《婚後事》四位主角陳自瑤（YoYo）、賴慰玲（Winki）、黎諾懿及羅天宇，首集嘉賓則是劇集男主角羅子溢。
因拍劇而變成好友的五人，對談期間暢所欲言，黎諾懿一嚟即單刀直入，著子溢解構姊弟戀背後因由，子溢亦大方分享：「當時我覺得需要一個成熟嘅女人喺身邊，可以令自己成長得快啲，同埋搵到安全感。」直認偶爾會與太太楊茜堯冷戰的子溢，還分享了二人處理爭拗的手法，子溢的方法是「第一時間讓步」：「我以前會拗，依家屋企所有濕碎嘢我係唔會理，總之你決定就啱架喇。」並笑言每次冷戰首先讓步的必定是自己。至於太太的處理方法則是「瞓醒先算」：「我太太一遇到問題，會話唔好講住，等瞓醒先（處理）。」子溢在節目中又分享了相當獨特的湊女心得，並謂希望女兒長大後能成為硬淨的人。
除了talk得，子溢還相當玩得，而他的出招對象當然是最怕醜又內向的天宇。事緣子溢一到場即追問天宇緋聞，嚇到天宇即時眼都凸，Yoyo在旁食晒花生笑謂：「你好大膽。」諾懿則佻皮謂：「嘉賓講嘢可以唔負責任呀。」之後全場起哄笑個不停，五人進行了長達數分鐘的「廝片」，天宇全程「怕醜草」上身面都紅晒，場面爆笑。除了天宇，Yoyo及諾懿亦是被玩對象，前者不斷遭子溢苦勸：「過去咗喇，唔好再執著個角色喇」，後者則不停遭阿賴搞笑攻擊：「全公司都知你最有錢」，阿賴錄到一半，更揚言要先行離開大隊回家找老公，所有互動保證出乎意料，敬請期待。
