《2024香港小姐競選》15強佳麗1號陳紫佟Jessie、2號倪樂琳Ellyn、3號王汛文Candice、4號謝淑怡 Zoie、5號莊曉婷Kimmy、6號李曼思 Adria、7號秦冀雯Yvonne、8號盧凱怡Kerry、9號陳甜甜Rose、10號吳芷靖Clary、11號梁嘉莹Emily、12號鍾翠詩Tracy、13號程姜月Dolores、14號楊梓瑤Amina及15號俞可程Kanis,日前齊集拍攝以「絕美多樣」為主題的官方宣傳片,輪流展示「華麗轉身蛻變大法」。
15強佳麗在官方宣傳片中先以背心+牛仔褲Casual Look出場,之後通過一條全白隧道後,各人即蛻變成高貴晚裝Look,大晒優美身段及飄逸秀髮的同時,並對着鏡頭大拋自信Bite,畫面唯美。無綫娛樂新聞台直擊了相關宣傳片拍攝情況,昨日更率先播出其中六位佳麗的受訪片段。有「城大李嘉欣」之稱的2號倪樂琳,受訪時坦言拍攝時心情緊張:「第一次着咁靚嘅衫拍Promo,心情非常之激動,但都有少少緊張,驚啲Pose擺得唔靚,表情唔夠好睇,不過最後都克服咗。」倪樂琳續指為了保持體態,近日積極做運動操弗自己,備戰決賽重頭戲泳裝環節:「都想自己線條靚啲,有時間就會做運動,雖然平時都有做開,但就會懶散少少,依家就會督促住自己。」3號王汛文則自爆之前游水時不慎曬黑:「我唔係成日游水,係返香港先游,但我游水時冇乜搽防曬,所以有人話曬黑咗,之後都要注意番。」
![](https://www.tvb.com/thumbor/Iy2z1CDtSxCidSDkAtVx6fnscNA=/1600x900/public/tvbcom/article/images/202408/e7330413-4921-4944-832d-9e5bce1203a1.jpg)
![](https://www.tvb.com/thumbor/1sHQ885-i6QAmgzJPQknGeV_3n8=/1600x900/public/tvbcom/article/images/202408/9a455a56-fc40-4edb-9287-dbaebff540f0.jpg)
![](https://www.tvb.com/thumbor/ITokBm4LA5Xqa9ZIGpOpWrpdJ_8=/1600x900/public/tvbcom/article/images/202408/a5c4e389-e312-45ab-beff-171530e07b7b.jpg)
![](https://www.tvb.com/thumbor/PyFkbUyzsPlKSx0GXDeSurz3Efc=/1600x900/public/tvbcom/article/images/202408/ef18527d-1b41-4196-9dee-66e16cf13795.jpg)
![](https://www.tvb.com/thumbor/KIfPIRfRm1NBGph_Hw6UHlRpSO8=/1600x900/public/tvbcom/article/images/202408/1eb69b60-8a26-42cf-93c2-190448853c59.jpg)