2024香港小姐 女．遊記︱陳甜甜想同呢位男神拍劇 梁嘉莹化大戲妝做花旦 楊梓瑤被批鬥雞眼感傷心

另一師姐Lisa帶三位佳麗到訪電視特技班體驗拍動作戲，找來女特技人慧慧和星二代龐景峰教導佳麗們吊威吔和揸槍動作。當中14號楊梓瑤最為大膽，吊威吔從高處跳下毫無懼色，更在空中自己Chok甫士，非常叻女，9號陳甜甜和11號梁嘉莹則比較細膽，跳下來前嗌到七彩，幸好最後都能完成任務。最後Lisa帶佳麗們去到地道茶記食蛋撻飲奶茶，期間眾人提到網上看到不少Haters留言，14號楊梓瑤坦言曾被指鬥雞眼感到不開心，Lisa向一班師妹傳授高EQ應該方法：「咁你照鏡覺得有冇？你覺得冇，咁點解你要care人哋，嗰個人唔識你，得你先知道你係咩人！」

今晚播出一集，三位佳麗齊齊化大戲妝體驗粵劇文化，當中11號梁嘉莹化了花旦妝並學習耍槍，她說：「啲衫同頭飾好重，好難郁，唔夠半個鐘個頭已經開始痛。」話雖如此，但11號梁嘉莹仍然非常落力練習，賴慰玲大讚：「睇到你好熱愛呢個造型，你好認真咁做到最好，好欣賞你。」至於14號楊梓瑤則反串做小生，其英姿獲高Ling大讚：「佢好做到嗰種英氣，無論聲線、眼神，成個動作都有男子嗰種氣質。」

製作組準備了香港製造的Gin酒送給三位佳麗，她們順道大玩香港流行的酒Game真心話大冒險，問到會選擇哪位男演員合作愛情劇？9號陳甜甜含羞答答說：「黃宗澤，鍾意佢靚仔！」期間14號楊梓瑤透露家中比較傳統，有重男輕女的情況，不禁失聲痛哭。賴慰玲還帶三位佳麗去到廟街體驗靈雀算命，9號陳甜甜、11號梁嘉莹和14號楊梓瑤齊齊問到決賽時會否獲得名次，她們獲得的籤文分別是「岳飛被害」、「花木蘭從軍」和「蘇武還鄉」。