Mayanne小喇叭︱陳自瑤親談「離婚的影響」　 羅子溢講精神出軌因賴慰玲一句質問求生欲爆發玩轉軚？

清談節目《Mayanne小喇叭》由新鮮出爐的「最佳女主持」麥美恩（Mayanne）擔任主持，曾展望（GM）擔任助理主持，逢周四、五晚10點半翡翠台播映。今晚（21日）一集邀來《婚後事》主演羅子溢、陳自瑤（Yoyo）、賴慰玲（Winki）和黎諾懿擔任嘉賓。

四位主角在節目中討論了大量情景題，當中包括男女對精神出軌及肉體出軌的不同看法，更延伸討論至劇中Yoyo質問子溢「你同我上床嘅時候有冇諗起佢（第三者）」一幕，談到此幕，子溢搞笑引用網民回應：「使唔使開埋個腦畀你睇呀」，瞬即引發全場爆笑，諾懿更加入戰團與Yoyo及Winki進行正反辯論。此時子溢跳脫地反問：「我問你，男仔見到靚女，望一望諗吓，女人望到靚仔會唔會又諗吓？」面對諾懿與子溢連環發攻，Yoyo說：「咪住先！但你冇返屋企真係同個女人有啲嘢喎！」Winki再質問一句：「同埋你話勒住咗嘛，咩情況會勒住咗？即係你懸崖勒馬囉，即係去到嗰步你先話我有推開佢，咁點解要去到嗰一步吖？」此時求生欲爆發的子溢即大晒「見風轉舵」真功夫：「我認同你！我睇邊個勢好就去邊邊！」引得全場大笑。

之後四人再探討到父母離婚對小朋友的影響，諾懿說：「無論屋企點都好，最受傷都係小朋友，對佢成長唔係咁健康。」Winki說：「如果真係有唔開心事發生，你只係可以同佢（小朋友）一齊面對，人生難關太多，呢個可能只係其中一個，只好拖住佢去面對。」Yoyo亦認同Winki所言：「有啲嘢係冇辦法，惟有大家拖住手向前行，或者喺側邊輔導佢，話畀佢聽發生咩事都好，爸爸媽媽最愛嘅都係你，呢句說話好簡單，但佢內心其實都係好傷痛，要繼續畀足夠嘅愛佢，呢樣好緊要。」子溢則大拋金句說：「呢個問題好值得思考，覺得如果預期諗辦法去解決，咁不如一開始就唔好錯，結得婚就要對婚姻有承諾，做得爸爸媽媽就要盡父母責任。」Yoyo聞言回應：「唔係個個好似你咁㗎嘛！」