TVB台慶｜廖家爵奪「全台力撐潛質男藝人」獎 發長文透露一個原因罵譚俊彥？

「星二代」廖家爵在台慶當晚奪得「全台力撐潛質男藝人」獎，他是80年代TVB經典劇《天師執位》中飾演「大粒癦」的廖駿雄的兒子。

作為頒獎嘉賓的譚俊彥發言：「有個朋友仔，佢演我後生版，我同佢有個承諾，你拍戲時我陪住你，我拍戲時你陪住我。有日入到廠，佢喺醫院場景，佢要演爸爸就嚟唔得嘅情緒，佢嗰日演得好好，佢話佢爸爸真係病咗，真係就嚟唔得，但佢好敬業完成每個鏡頭，我想介紹佢，廖家爵，大個仔唔好喊。」

廖家爵聽到譚俊言的發言後感動得淚流滿面：「多謝，老豆你依家唔喺度，我知你會睇到，好多謝公司畀個獎我，我相信每個新人都想得到大家認同，我唔知講咩好。」他更哭得不能再說下去，全場大呼恭喜，譚俊言更送上緊緊的溫暖擁抱，場面感動。

事後，廖家爵再發長文感謝大家支持：「由知道要排台慶，知道有呢個新人item嘅時候，我都無諗過自己咁快有個提名，仲諗住中獎呢d野同自己無緣，到排嘅時候只係諗住做好呢1part，邊個拎都無所謂如果係自己fd拎到我都會好開心。排舞師係幫我地排位嘅時候講左句：出到去，呢一個item係屬於你地你要幻想有spotlight打係你身上 ，你就係個場嘅主角。」

他又「責罵」譚俊言令其在全港人面前爆喊：「d回憶返曬黎 衰人 @tammerz 喺全港面前整喊我，所以個下我完全諗唔到講咩除咗：多謝公司同埋多謝我屋企之外。」

廖家爵再指這個獎不是只屬於其一人：「屬於每一位好努力好認真對待自己工作嘅所有新人，希望觀眾們可以多d留意除左主角，仲有佢地身邊出現嘅每個小角色，正因為有佢地落力嘅演出，先會有完整嘅表演呈現俾所有觀眾睇。」

最後他直言最重要做好自己：「有人行得快，有人行得慢。但只要唔停低你嘅步伐，就會行得比任何人都遠。唔需要同人去做比較，一步一步踩實佢。」