東張西望家品店第3集｜大業主帶主持入店 親解走法律罅「獨門方法」

《東張》日前報導，灣仔道後街一條長達200米嘅後巷，長期被帆布封頂，實際上係被一間喺當地已經有超過50年歷史嘅家品店霸佔作為貨倉，情況相當誇張，鄰近店舖多年嚟都敢怒不敢言。呢間家品店嘅老板林先生除咗繼承自父親嘅家品店之外，仲買入咗附近相連鋪位及多幢大廈，搖身一變就成為灣仔鋪王。呢日林先生更帶《東張》主持入店，親身講解佢獨有嘅「走法律罅」方法。

延伸閱讀：東張西望家品店大結局｜灣仔道違規霸佔後巷事件最終章 大業主收清拆令 攝製隊跟進清拆過程 後巷恢復暢通

攝製隊又去同樣屬於林先生嘅商業大廈睇過，發現佢將大廈頂層改建為家品店貨倉，堆積有大量家庭品，就連逃生樓梯裡都堆滿貨物，相當危險。雖然身兼該大廈管理公司老闆嘅林先生直言毫無影響，不過喺訪問完三個小時後，逃生樓梯入面嘅貨物卻已經迅速被清空。

就後巷違規事件，攝製隊分別聯絡地政、屋宇、消防、食環等政府部門要求跟進回應，而局方亦就投訴向大業主下達清拆令，將後巷還原。究竟最終結果如何，繼續留意《東張西望》！