莊子璇父親病危險死 入ICU搶救逾2小時 親透對方現時最新狀況：有部份記憶缺失

莊子璇近日突然在網上發文：「你知道嗎？生命很脆弱，在生死面前，人很渺小，這一年來，身邊的人相繼離開，我真的以為也要失去你了，幸好上天賜予我們多一次機會，這次讓我們都要學會珍惜眼前人，好嗎，爸爸？」疑似透露爸爸一度病危，隨即引起大批網民關心。

事後莊子璇出席活動接受傳媒訪問指當日父親入院做通波仔手術，豈料完成後的晚上父親突然沒有心跳，並入ICU搶救了逾2個小時，情況一度非常惡劣，幸最終度過危險期，醫生亦指很少發生此情況，能救回是神跡，但醫生表示可能會有後遺症。

她續指現時父親有精神錯亂，精神狀態未完全康復過來，經歷父親病危險死一事，莊子璇更體會要好好珍惜身邊人。

至於談到其父親最新身體情況，莊子璇接受TVB.com訪問直言現時對方情況穩定：「但醫生都話要留院觀察多一段時間，因為始終經歷咗一場大手術，驚佢會有後遺症，同埋佢精神方面都要再觀察吓。」

問到對方能否與他們聊天，她說：「爸爸同我哋都傾到計，但係可能已經有部份記憶缺失，同埋有時候講嘢個內容有啲天馬行空。」

她指現時每天也是醫院與屋企往返，望每天也與父親見一面：「如果做完嘢唔係太晏，我都會去醫院睇一睇佢，不過有時候太夜佢瞓着咗，我就望一眼就走。」

希望子璇爸爸早日康復！

延伸閱讀：莊子璇學打網球 獲視帝親自指導：有Daddy教學係唔同啲