《愛．回家》小花入馬場出「意外」 換制服變Look做馬會員工

小花葉蒨文（Sophie）昨日（8日）到馬場一暏韓國天王Rain（鄭智薰）的風采，豈料在吃自助餐期間發生小插曲，被人淋到成身都是飲料。

Sophie發文：「有一個侍應手攞着一盤藍色嘅飲品喺我後面不小心由頭淋落腰，着咗全身米白色嘅我變咗一個藍色人。跟住馬會馬上安排我除套衫落嚟幫我洗乾淨套衫，於是我就着住佢哋嘅員工制服2小時。」

她化身成馬會員工，似乎相當興奮：「我着住佢哋嘅員工制服2小時，我周圍見到朋友都話我今日係馬會一日嘅員工，我已經加入咗馬會呢個大家庭，佢哋員工同我傾偈，我仲話: 我第一日返工我唔傾偈啦，冇咩吩咐我出返去做嘢先！」

所謂「水為財」，Sophie被人兜頭淋後立即投注，最終更贏錢，難怪她非常開心：「一開始兜頭淋要即刻買吓馬，於是我望一望個電視機見到隻7號行出嚟，我乜都冇理我第二場就買咗7號，點知真係跑第一！雖然只係買少少玩吓唔係贏好多，但係我覺得行咗個好運心情特別好！」