《反黑英雄》昨晚一集，飾演英文補習老師林冰的何沛珈（Roxanne）正式登場，她今次升呢做視帝陳山聰女友，在劇中無限甜蜜放閃！
延伸閱讀：反黑英雄劇情｜全25集劇透懶人包（持續更新中）黑白兩道交鋒 陳山聰/張振朗/袁偉豪/姚子羚/朱晨麗
問到今次首次與視帝山聰合演情侶有否乘機偷師，Roxanne受訪時說：「因為我本身性格比較硬朗，所以喺某啲位嘅演繹會硬咗啲，山聰就建議我可以撒嬌多啲。」提到與山聰有不少甜蜜互 動鏡頭，Roxanne透露：「因為我哋一開始就要拍咗屋企戲先，所以都冇太多時間Warm Up，就要開始拍最親密嘅大部份戲。逢係一啲親密啲嘅接觸戲，我哋排戲時都會事先溝通好，所以冇好尷尬同緊張，反而最驚係有一場臨時加戲要山聰抱起我，我好驚我太重責親佢！」
Roxanne的家居Look亦是網友焦點所在，身為「東張女神」的Roxanne分別換上墨綠色和粉紅色小背心，加上家居短褲盡騷招牌長腿，大晒Fit爆身材兼青春活力面，成為網友焦點，Roxanne亦大方分享收身之道：「除咗做運動，一定要注重按摩同埋拉筋，我自己每日都會用滾輪按摩小腿同大腿，我連拍劇都會帶埋去，係有少少癲嘅，每日按15分鐘至20分鐘，如果有多啲嘅時間我就會按摩加拉筋成個鐘。第二就係要多啲飲水，飲水唔係會引起水腫，而係會幫你消腫，每日最少2公升；第三就係唔好貪啲嘢好食就瘋狂咁食，要有節制！」
