《反黑英雄》昨晚一集,焦點絕對是飾演祖耀的袁偉豪(Ben)和飾演阿細的關曜㒞(Leo)以寡敵眾的被追殺場口!
延伸閱讀: 反黑英雄劇情|全25集劇透懶人包(持續更新中)黑白兩道交鋒 陳山聰/張振朗/袁偉豪/姚子羚/朱晨麗
該場長達兩分鐘的大型追逐場口,先是心知被埋伏的Ben及Leo型爆地冷靜對話一輪以減低追殺者戒心,之後Ben手持超長牛肉刀酷爆地向著追殺者指一指後,即連環使出極速拳腳功夫對抗為數接近20人的敵人,沿途更「見嘢就掟」企圖阻礙敵方。打了一輪,眾人由街頭轉戰隧道、再由隧道跑出滿是車輛及行人的尖沙咀大街,劇組期間專誠將加連威老道路牌技攝入鏡頭,增加觀眾的代入感及劇集的「港味」。緊接的大wide shot,眾人又轉戰至長天橋,Top shot拍攝的數十人追逐混戰場面震撼感十足,期間Leo中刀兼滾落樓梯,袁偉豪見狀即大為緊張扶起Leo,隨後繼續是如「蟻群」般密集的追殺團隊,情節畫面甚是緊湊。
原來該場戲由旺角打到去尖沙咀星光大道,劇組透露拍攝完畢後有圍觀途人拍手歡呼,而鏡頭所見,在十字路口的追逐戲中,不少途人拿著手機影個不停。有份參與場口拍攝的Ben,透露由於場口太真實,一度驚動真‧警察到場調查:「當日夜晚6點左右開始準備,要喺漆咸道南跑過條馬路,因為好多群眾演員都揸住武器。未正式roll機時,已經有好多真警察嚟到現場,因為有人報警以為會有事發生。」
由於拍攝當日是該個年度全年最冷的一天,氣溫只有5度左右,對於要在如此艱難情況下與Leo齊齊拍攝跳海戲份,Ben受訪時坦然印象深刻:「咁多年冇試過咁投入做呢樣嘢,卒之搞到病埋,唔病都對唔住自己,打咗成晚吹完海風再跳埋落海,冷親都係好理所當然。」Ben續指拍攝翌日最辛苦:「未埋位時,我就好似露宿者咁瑟縮喺工廠大廈看間房隔籬瞓住等,因為真係要休息。」