《家族榮耀之繼承者》的新鮮新舊面孔絕對一浪接一浪，繼早前久別復出螢光幕的張鳳妮的好演技震撼劇迷後，在劇中飾演任性驕縱大馬拿督千金Gigi的梁諾妍（Inez）亦帶給觀眾不少話題及新鮮感。
延伸閱讀： 家族榮耀之繼承者劇情｜全30集劇透懶人包（持續更新中）豪門上演大惡鬥 佘詩曼/林峯/羅子溢/羅嘉良
Inez在劇中與飾演丘家唯一男孫丘智斌的羅子溢有不少對手戲，因劇情關係，Inez除要經常含情脈脈讚美及望實子溢外，二人更有不少親密纏綿親熱戲。搞笑的是，Inez老公洪永城上星期邊觀看老婆與子溢的親熱片，邊在網上公然玩呻醋，令不少網民大叫笑破肚皮。談到洪永城Tony投訴事前不知Inez親熱尺度，Inez笑言Tony只是開玩笑，並大爆老公甜蜜溫柔體貼一面：「佢當然一早知道晒成個劇本係點啦，佢有同我一齊去準備我嘅戲份，佢一早知道我同子溢有親熱戲架，佢只係搞吓笑架啫，佢係好支持我去拍任何嘢嘅。」
Inez續指由於Tony與子溢份屬友好，故劇集開拍前老公有叮囑子溢幫忙take care自己，Inez說：「子溢真係好好，對所有人都好照顧，佢帶到我入戲，又同我分享咗好多經驗，敏奕都有同我分享好多戲劇上嘅嘢，大家都好照顧我，我好感恩。因為子溢畀到信心我，我就可以盡量努力去發揮。始終今次係我第一次拍咁大型嘅劇同咁重戲份，我做仲有好多進步空間，但我都做足咗功夫去拍呢套劇。」Inez透露拍攝期間，即使不用開工或是經已收工，只要有時間都會留在片場「觀摩」，並多向導演甚至總監製Tommy梁家樹發問。
談到坊間有指Inez拍攝《繼承者》期間剛好懷有第二胎，Inez憶述劇集開拍時自己大概懷有五至六個星期身孕，但因不想麻煩到其他人或受到特別待遇，故此並沒有告知任何人自己懷孕一事：「過咗三個月之後我先至講，當時已經煞科喇。因為我唔想麻煩到人，或者因為我有咗而特別照顧我，我唔希望係咁。」她笑言老公Tony則有緊張對待她低調懷孕一事：「佢有叫我小心啲，就算keep住跑步者要慢啲，如果有大動作場口，佢又會叫我小心啲。」Inez又指多運動能幫忙減少妊娠反應：「我冇咁多初期懷孕嘅唔舒服，所以亦而影響到拍攝。頭三個月我身體都冇乜特別變化，我都仲有做適量運動，例如喺馬來西亞慢跑。多數喺酒店隔籬公園散步或者慢跑，keep到膚色之餘都keep到身形。」
今晚一集，Gigi因為智斌做了一件事，令她對智斌變成神魂癲倒，經常纏著智斌不放，今晚盛裝打扮作戰style的Gigi，更會身穿大露背晚裝與智斌燭光晚餐。場口所見，運動健將Inez的背肌不但線條勁靚，而且亦相當結實，據知要鍛煉背肌絕非易事，Inez對於運動的熱愛及堅持果然令人佩服。
