《巾幗梟雄之懸崖》明晚(22日)八點半起一連兩集播映大結局。隨著劇情發展,蕭正楠三個角色—鄧桂平、林茂財、龍四海的真實身份昨晚(20日)終極曝光。原來之前七爺(胡定欣飾)的鄧桂平真有其人,桂平亦於被捕時被搶殺身亡。觀眾不知道的,是林茂財其實是桂平的秘密孖生兄弟,當年鄧永壽(煒烈飾)有外遇並誕下茂財桂平,鄧老太(呂珊飾)只容許永壽養育桂平,被遺棄的茂財只能與亡母(黃頌平飾)捱窮兼受盡屈辱,因而埋下復仇種子…
/public/tvbcom/article/images/202411/650fea49-3bdb-4a32-b2da-ad444e7a5cf5.jpg)
/public/tvbcom/article/images/202411/3c9a13cb-9e08-4027-9d56-a77d0aa4e363.jpg)
/public/tvbcom/article/images/202411/64a12a38-a877-4066-8332-9e10457be776.jpg)
/public/tvbcom/article/images/202411/b47d0c98-3389-4336-bc85-029ac8e310f8.jpg)
/public/tvbcom/article/images/202411/8739b2f8-2779-4793-8e53-2a1a3271c1ba.jpg)
昨晚林茂財直搗七爺辦公室自揭身份一幕,蕭正楠再度挑戰演技新高度,在同一場戲先後以三個不同性格的角色身份演出,先是傻頭傻腦的龍四海、再來是對世界及七爺充滿控訴的鄧桂平,最後是深不可測、奸險無比的林茂財。蕭正楠先以龍四海的傻氣天真Mode,質問七爺何時履行承諾,然後慢慢由四海變成鄧桂平,當說完「你一直以為佢哋係唔同嘅人」時,蕭正楠馬上大變Tone變態地低頭失笑,而再抬起頭時,雙眼已滿佈血絲及淚水,並狠狠瞪著胡定欣進行漸進式大控訴,神情盡是恐怖囂張,期間更激動至咆哮式落淚。之後蕭正楠再林茂財上身,以極無賴+不屑Tone將七爺批評至體無完膚:「你係咪好驚?甚至懷疑自己就嚟死?」最後更以「變態奸笑」向七爺作出極可怕警告:「你唔係因為啲子彈碎而死,而係喺窗口跌落街、跌死!」說話內容與蕭正楠的天真笑容形成極強烈反差,令人不寒而慄。
/public/tvbcom/article/images/202411/09577268-6f7b-4b44-8b3e-ecb93559936e.jpg)
/public/tvbcom/article/images/202411/a9ad38c9-d1e3-4ce2-af47-7bc053acf18e.jpg)
/public/tvbcom/article/images/202411/0a90e02c-bd67-4eb8-b26f-1473c4fbe1b3.jpg)
/public/tvbcom/article/images/202411/196f5ce3-dbe9-472d-a0fa-c4b738bdeb4b.jpg)
/public/tvbcom/article/images/202411/251a269d-3b5c-412a-8df9-23701d14ddeb.jpg)
對於蕭正楠一再挑戰多層次演技,網民反應兩極,有網民大讚蕭正楠演技胎脫換骨,並指「三個蕭正楠」劇情更故事更有追看性;但亦有網民批評蕭正楠演技未夠火喉,對此監製嘟嘟開腔為蕭正楠護航:「其實我覺得佢做得好好吖,呢場戲,佢三個角色都演得好清楚、到位,所以我剪接時都剪番之前佢唔同角色嘅相關場口同對白落去做對比。」第三次與蕭正楠合作的嘟嘟,更坦言感受到蕭正楠的躍進及蛻變:「今次佢好實在話畀我知佢係一個演員,之前都感覺佢係介乎歌手與演員之間。今次三個角色表面好大反差,但大家私下討論嘅共識係唔好將角色演得太極端化,要細緻啲。跟住阿蕭佢去到現場嘅表現,見到佢消化得好好,叫佢演龍四海佢就龍四海,演林茂財就林茂財,演邊個就似邊個,好似上咗身咁揮灑自如。佢嘅投入同專注度,令我覺得佢係真正嘅演員。」