2025風生水起｜蕭正楠被批拗交唔會贏到黃翠如 自揭即將升呢人父心情戰戰兢兢

一共十三集的風水賀年節目《2025風生水起》，逢周一至周五晚上10點半翡翠台播映。節目由薛家燕、胡美貽、莊子璇、徐文浩擔任主持，首兩集邀來視帝黎耀祥和準星爸蕭正楠擔任嘉賓，另外還有堪輿學家李丞責、麥玲玲、唐碧霞、元海＋海嫂、黃楚淇、KK師傅、權朗、雲文子為觀眾指點蛇年迷津。

第二集「開運搵師傅」邀來準星爸蕭正楠擔任嘉賓，阿蕭透露目前心情「戰戰兢兢」，皆因擔心太太黃翠如的情緒起伏：「要留心聽佢講嘢情緒有冇起伏，冇嘢就冇嘢，有嘢就知自己有嘢做得唔好。」阿蕭自認是傳統的人，以前會幻想如果生的是兒子可以一起玩樂、做運動，但後來因漸漸受到身邊朋友影響，才驚覺生女的樂趣也很大：「見到洪永城或身邊同事生咗女都非常之冧，所以好矛盾！」家燕姐遂追問翠如喜歡仔還是女，阿蕭對此未有正面回答，更鬼馬地說：「佢鍾意我囉！」