法證先鋒6丨「御用奸角」陳少邦連演律師都似有陰謀？「貓哭老鼠假慈悲」表情示範勁搶

新單元中另一搶焦角色，是有「TVB御用奸角」之稱的陳少邦。在劇中飾演遊戲公司律師黎宗廷的少邦，是交通意外死者藍茵（陳善渝飾）的另一半。前晚一集，當黎律師就藍茵死訊接受井Sir調查時，雖然少邦將悲痛的情緒十足十地演繹出來，但搞笑的是全程擺到明「貓哭老鼠假慈悲」，不少網民都笑言覺得他肯定又做壞人：「呢個律師唔慌好人」、「又係額頭鑿住衰人兩隻字」，但亦有網民持相反意見：「或者今次做好人呢」。問到少邦為何會如此演繹相關場口時，他笑言是為了希望令觀眾看時更易投入：「因為睇呢啲劇，大家一定會跟住估兇手，我咁嘅樣，大家會好易覺得我係兇手，但另一方面又會懷疑劇情點會咁易估，希望咁樣嘅演繹可以令觀眾睇時更投入。」