法證先鋒6︱戴祖儀飾演「昆蟲專家」靠一樣嘢克服蟲蟲陰影　難忘炎夏着三層厚保護衣深入沙井

為了凸顯真實感，Joey在鏡頭前要夾實兼望實蟲蟲講對白，問到Joey當時感覺及驚唔驚時，她笑言真實的自己十分害怕昆蟲，並笑言全靠「以毒攻毒」克服陰影：「因為細細個踩單車返學，一到夏天就會見到好多半天吊嘅蟲，成日都會突然畀啲蟲襲擊到塊面，所以由細到大都好驚。但因為我個角色成日要拎起條蟲做化驗，我就發現原來當你冇退路時，就會克服到自己嘅恐懼。」在劇中勇氣無邊的Joey，除了掂蟲蟲，前晚（15日）一集又與法醫Dr.范（蔡潔飾）齊齊著重裝備深入沙井進行調查，談到相關情節，Joey坦言是拍攝時碰正天氣炎熱：「嗰套衫總共有三層，都真係好熱同好焗，落到去有啲難通風，我都出咗好多汗，可以當減肥。好彩工作人員好錫我哋，拎咗好多風扇同櫈畀我哋休息，同埋盡快拍完畀我哋上番去，所以都Ok嘅。」