法證先鋒6︱林盛斌一輪嘴爆笑對白網民勁Buy　因一事令網友聯想起級演員歐陽震華

《法證先鋒VI：倖存者的救贖》（下簡稱《法證先鋒6》）自熱播後引發不少迴響，不少新加盟角色均吸獲好評，當中不得不提的，是突破觀眾想像、以超搞笑Style、每次亮相均將「爆Bud」掛在嘴邊的法證部高級化驗師陶總（林盛斌飾），陶總與余星柏（黃宗澤飾）一滑稽一嚴肅的化學作用，令不少網民捧腹叫好。

延伸閱讀： 法證先鋒6倖存者的救贖劇情｜法證先鋒6劇情全24集懶人包！偵破離奇案 黃宗澤/袁偉豪/蔡潔/蔣祖曼

其實阿Bob首集一出場已引爆笑點，面對星柏為求化驗不惜工本的處事手法，作為高星柏半級甚或一級的陶總自然眼都凸埋，更懶有型衝進星柏辦公室理論，務求以一輪嘴戰術擊退星柏，可惜最終熱臉貼著冷屁股！來勢洶洶的陶總先企圖以職級拋窒星柏：「我個title係acting總化驗師，高唔過你一級都半級」，豈料星柏只冷淡地回應：「所以個問題係？」眼見勢色不對的陶總續說：「好多人以為我老豆係保安局局長，我先坐到呢個位，覺得我廢（下刪三千字）…想蝦我，你明唔明？」星柏繼續冷淡：「嗯，不如講重點吖」，被逼到走投無路的陶總開宗明義指爆budget不能接受，但還是被星柏用真尿液做化驗大大拋窒，最終以一個「你咁都得」表情結束對話，十分搞笑。

對於阿Bob這個超乎想像的高級法證人員設定，網民普遍大為受落，除記牢了「最緊要唔好爆budget」這句台詞外，又大讚阿Bob天生就是笑匠：「都唔明點解TVB唔索性開部笑劇由阿Bob做男主角，佢唔使講嘢已經可以令觀眾笑喇，喜感十分強烈」、「好想睇阿Bob好認真咁講分析」、「唔知點解望見阿Bob樣，無論點都諗唔起認真，好想笑」、「Bosco佢哋忍笑會唔會好辛苦」、「一個滑稽一個冷漠，很搞笑」、「好想集集都睇到陶總」、「喜劇面孔，笑匠身形」、「你天生個樣就係一個笑佛，帶畀人哋正能量同開心」；並笑言阿Bob的出現令人想起《法證》元祖級演員Bobby（歐陽震華），網民：「睇落，好似阿Bobby返咗法證先鋒」、「搵唔到Bobby就搵阿Bob，都係差兩個字」。