痞子無間道大結局丨黃子恆為救麥美恩壯烈犧牲慘被炸死！難忘因不捨《痞子》團隊喊到淪為陳瀅笑柄

談到角色慘死，子恆接受TVB.COM訪問時坦言當初得悉「死訊」時，也因太投入感到不捨、一度哭成淚人，因而成為同劇其他演員笑柄，子恆說：「當時拍攝時因為係飛紙仔嘅，大家都唔知結局係點，直到出劇本先知泰帥最尾會死。到知道有呢場戲後，有一日放飯時，我突然醒起原來嚟緊嗰場戲，就係我最後一次見到嘉洛仔同陳瀅佢哋，當我發現咗之後，我就忍唔住喊，心諗：『原來我哋冇機會再見喇』。我覺得應該係因為當時真係太投入，所以會有呢種感覺，我記得我係喊到要行出廠。之後阿瀅萬歲請食雪糕時，仲拍咗條片話要睇我喊添。」