《直播靈接觸》昨晚（11日）播出第16集，邀來九十年代男神、已超過20年未有現身無綫節目的鄧浩光（Anthony）和「泰國通」Roger（胡慧冲）分享靈異經歷，62歲的Anthony身形比以往清瘦不少惹來網友關注，亦有網友讚他有型有款，靚仔樣依然。
思浩透露與Anthony相識時，當時Anthony的手部受了傷，Anthony首度在節目開腔談及此事，他說：「今次係第一次講，呢件事一直擺喺心入面，1989年時我喺友台第一次拍電視劇，劇情係講我做警員要追一架車，當時凌晨兩、三點喺火炭一個停車場拍。」Anthony指事前多次排練都十分順利，他說：「之後有個工作人員話：『勁喎，咁多Fans睇你拍嘢。』我就話冇喎，咁夜邊度會有人，我自己冇為意，之後意外真係出現咗，我畀架車撞到，撞爆咗車頭玻璃，（展示手部傷疤）隻手斷晒筋，依家隻手啲筋係隻腳趾攞筋上嚟駁番！」
Anthony與「泰國通」Roger老友鬼鬼，Roger大談與Anthony結緣的經過：「以前喺友台做Writer，2年之內去咗30幾個地方，有一半係同佢去，後尾唔使寫稿畀佢，同佢講一次佢就已經可以原裝講番出嚟。」Anthony笑言：「因為佢寫稿好專一，成日玩食字，啲套路我已經知道晒，佢未寫我已經知道晒。」足見兩人默契十足。
