以「心連一線 中秋團圓」為主題的中秋節宣傳短片日前播出，由靚仔小生朱敏瀚和「東張女神」王嘉慧主演。顏值同樣高企的兩人在片中放閃無極限，包括在中環街上拖手狂奔、床上甜蜜依偎、浪漫餵食、Sweet爆Back Hug等，甜度嚴重超標；之後兩人深情激吻，畫風突然一轉，換上古裝的兩人分別化身后羿和嫦娥，大玩穿越上演超時空之戀！宣傳片另一亮眼位，非王嘉慧的百變造型莫屬，一次過晒冷知性吊帶裙Look、GFable度爆標的小吊帶背心＋白恤衫+熱褲家居Look以及仙氣飄飄的古裝嫦娥Look，畫面養眼。片段播出後引起不少網友關注，有人大讚兩位主角靚仔靚女，亦有大讚短片製作認真，留言：「拍得好靚」、「好浪漫呀！」、「朱仔好靚仔！」、「你（王嘉慧）同朱仔Kiss嗰刻，大叫了出來！」
+10
王嘉慧受訪時笑言為了今次宣傳片獻出多個第一次：「今次第一次拍相關類型嘅片段，導演事前都叫我睇吓相關短片，等我拍攝可以容易啲代入角色，聽到呢個故事時，我自己都覺得好淒美，覺得成個故事好吸引人。」嘉慧透露拍攝有很多難忘事，特別是在晚上於無人的中環街頭狂奔，感覺很新奇有趣。嘉慧指今次亦是首次嘗試古裝Look，她說：「入行以嚟都好想試古裝，今次終於試到，仲要係扮嫦娥！呢個Look除咗好有仙氣之外，仲係好有型，我自己都好鍾意！」講到與朱仔拍攝比較親密的鏡頭，嘉慧害羞說：「今次係我嘅螢幕初吻，事前我自己都好緊張，拍緊嘅時候都唔係好敢呼吸，有少少閉氣嘅感覺，朱仔佢好好人叫我放鬆啲，好彩最後都好順利咁完成拍攝。」
