中秋節宣傳片︱朱敏瀚王嘉慧化身后羿嫦娥上演超時空之戀　東張女神獻出螢幕初吻緊張到唔敢呼吸

以「心連一線 中秋團圓」為主題的中秋節宣傳短片日前播出，由靚仔小生朱敏瀚和「東張女神」王嘉慧主演。顏值同樣高企的兩人在片中放閃無極限，包括在中環街上拖手狂奔、床上甜蜜依偎、浪漫餵食、Sweet爆Back Hug等，甜度嚴重超標；之後兩人深情激吻，畫風突然一轉，換上古裝的兩人分別化身后羿和嫦娥，大玩穿越上演超時空之戀！宣傳片另一亮眼位，非王嘉慧的百變造型莫屬，一次過晒冷知性吊帶裙Look、GFable度爆標的小吊帶背心＋白恤衫+熱褲家居Look以及仙氣飄飄的古裝嫦娥Look，畫面養眼。片段播出後引起不少網友關注，有人大讚兩位主角靚仔靚女，亦有大讚短片製作認真，留言：「拍得好靚」、「好浪漫呀！」、「朱仔好靚仔！」、「你（王嘉慧）同朱仔Kiss嗰刻，大叫了出來！」