今晚乜都拗｜森美「花式自殺」試探老婆底線？聞谷友指婚姻比職場更殘酷爆驚人反應

無綫推出全新辯論形式綜藝節目《今晚乜都拗》，由出名轉數快的森美擔任主持，並邀請一眾牙尖嘴利兼富有邏輯思維的藝人組成「包拗團」，就每集的貼地「拗題」進行正反討論，之後再由40位來自不同界別的觀眾／專業人士組成「包拗谷友」，選出最終支持正反哪一方。

本周評論題目分別為：周一「應唔應該催好朋友還錢」、周二：「應該揀拍拖經驗多定拍拖經驗少嘅伴侶」、周三「被新上任嘅直屬上司處處針對，應唔應該辭職」、周四「單身好啲定結婚好啲」，及周五「速食文化對現代人嚟講係好定唔好」。

談到本周特色，絕對要數主持森美的「花式自殺」！先說昨晚一集，當正反嘉賓熱烈爭辯與零經驗另一半拍拖，能製造無數難忘的第一次、例如第一次睇彩虹會否份外甜蜜時，森美突然爆出一句：「（一齊第一次睇彩虹）真係好美好，我（嗰次睇完彩虹）返到屋企，我老婆就係話：『我同其他男人睇過』！」說畢更露出氣結表情，令人捧腹。今晚一集，當其中一名「包拗谷友」感嘆婚姻比職場更殘酷，就算遭老婆處處針對，作為老公亦不能「辭職」時，森美即意有所指謂：「我唔敢Yeah你（話你講得好），我真係唔夠膽Yeah，但你聽落有啲意思，有啲意思！」隨後又在其他集數中爆出：「婚姻根本就係攬炒」，配以似是而非的跩跩表情、欲言又止的狀態，更覺耐人尋味。